ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

VIDEO/ U larguan mbi 1 milje larg bregut, rrezikojnë të mbyten 4 pushues në Shëngjin, 3 prej tyre të mitur

10 August 2022, 14:52Aktualitet SHKRUAR NGA REDAKSIA VOX
VIDEO/ U larguan mbi 1 milje larg bregut, rrezikojnë të mbyten 4
Momenti i shpëtimit

Katër pushues, tre prej tyre të mitur, kanë rrezikuar të mbyten në detin e Shëngjinit ditën e sotme, pasi ishin larguar me komardare rreth 1 milje larg bregut dhe nuk po ktheheshin dot në breg.

Bëhet fjalë për dy raste të vecanta, të cilët janë shpëtuar nga policia kufitare e Shëngjinit gjatë patrullimit të zonës.

"Gjatë patrullimit të zonës së plazhit, shërbimet e Policisë Kufitare kanë konstatuar në det, rreth 1.2 milje larg bregut, dy fëmijë të mitur, me komardare, që kishin mbetur në det të hapur dhe nuk ktheheshin dot në breg. Shërbimet e Policisë kanë ndërhyrë menjëherë, i kanë kanë marrë në mjetin lundrues të Policisë Kufitare dhe i kanë nxjerrë në breg, në gjëndje të mirë shëndetësore, 2 fëmijët (12 dhe 13 vjeç), të cilët ishin larguar në det pa dijeninë e prindërve të tyre.

Gjithashtu, gjatë patrullimit, shërbimet e Policisë Kufitare Shëngjin kanë marrë njoftim nga salla operative, se dy shtetas kosovarë (babai me djalin e mitur) rrezikonin të mbyteshin në det, pasi ishin larguar me komardare rreth 1 milje larg bregut dhe nuk po ktheheshin dot në breg.

Menjëherë pas marrjes së njoftimit, shërbimet e Policisë Kufitare janë nisur me mjetin e tyre lundrues të Policisë Kufitare, për t’u ardhur në ndihmë dy pushuesve, të cilët i kanë gjetur rreth 1 milje larg bregut, konkretisht shtetasin F. L., 45 vjeç dhe djalin e tij 10 vjeç, dhe i kanë marrë në mjetin lundrues të Policisë Kufitare duke i nxjerrë në breg, në gjëndje të mirë shëndetësore." njofton policia e Lezhës.


Në përputhje me standarded JTI

Video

SHIKO KANALIN NE YOUTUBE
×