ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Snajper e fara kanabisi në shtëpi, shpallet në kërkim vëllai i Admir Muratajt

21 April 2022, 16:35Aktualitet SHKRUAR NGA REDAKSIA VOX
Snajper e fara kanabisi në shtëpi, shpallet në kërkim
Pushka snajper e sekuestruar nga policia në banesën e Ilir Muratajt

Policia e Tropojës ka shpallur në kërkim vëllain e Admir Muratajt, Ilir Muratajn pas një aksioni që zbuloi në banesën e tij edhe një armë luftarake e llojit snajper.

Policia thotë se aksioni është ndërmarrë pas informacioneve operacionale. Në banesën e Ilir Muratajt janë gjetur pushka snajper, municion luftarak, fara kanabisi, dylbi dhe një elektrik dore.

Admir Murataj ishte pjesë e grupit të grabitësve në Rinas, që ishin shndërruar në tmerrin e makinave të blinduara të transferimit të parave drejtë aeroportit.

Ai dyshohet se ka marrë pjesë në të gjithë këto grabitje, deri në të fundit të ndodhur pranverën e 2019-s, ku mbeti i vrarë gjatë përpjekjes për t’u arratisur.

Kush ishte Admir Murataj?

Admir Murataj ka qenë një prej drejtuesve kryesorë të nje grupi grabitesisht ne shtetin grek. Ai u arrestua në janar të 2013 në Greqi, I akuzuar për disa grabitje në banesa, banka dhe automjete por qëndroi në burg vetëm për 2 muaj. Emri i Admir Murataj u dëgjua për herë të parë në Shqipëri në vitin 2013 kur së bashku me 11 shqiptarë të tjerë kryen arratisjen e bujshme nga burgu i Trikallës. Me 23 mars një grup i armatosur nga jashtë burgut, sulmuan me armë zjarri rojet duke lënë të plagosur edhe dy prej tyre dhe bënë të mundur arratisjen.

Pas arratisjes nga burgu ky grup i mirëorganizuar pjesë e të cilit ishin Admir Murataj, Ilir Kupa Marian Kola etj, vijuan aktivitetin kriminal. Si fillim ata grabitën një tavernë dhe në largim e sipër iu kundërpërgjigjën me zjarr policisë, por të shtënat rezultuan fatale për një vajzë 25 vjecare e cila ishte kalimtare.

Më 17 qershor të 2013 do vinte një tjetër përplasje mes policisë greke dhe bandës, ku nga shkëmbimi i zjarrit humbi jetën një oficer policie, baba i dy fëmijëve, 37 vjec.

Më 3 dhjetor 2015, në segmentin rrugor Qafë Kashar-Rinas, grabiti me armë një furgon të blinduar, që transportonte një vlerë të konsiderueshme valute.

Më 9 shkurt 2017, rreth orës 12:00 dy automjete të blinduara u përballën me grabitësit në rrugën e Rinasit, që me dhunë e nën kërcënimin e armëve grabitën rreth 3.2 mln euro.

Që prej kësaj ngjarjeje emri i Admir Muratajt nuk u dëgjua më, deri të martën kur mediat greke bënë të ditur se ishte ai që u vra pas grabitjes spektakolare në Rinas.

Admir Murataj ka pasur mbi 10 identitete por identiteti i tij i vërtetë është Admir Nikaj. Ishte nga Tropoja, por familja e tij jeton në Fushë-Prezë të Tiranës në një shtëpi luksoze dhe të pajisur me kamera sigurie. Admir Murataj njihej më herët nga policia, pavarësisht se aktiviteti i tij nuk ka qenë në Shqipëri.

Pas ngjarjes forcat speciale janë vënë pas tyre, ku nga shkembimi i zjarrit mbetën të vrarë dy prej anetarëve të bandës. Pavarësisht se Murataj dhe grupi i tij ishin në ndjekje në 16 qershor 2013 ata guxuan të grabisnin 1 milion euro në një bankë në Larisa, grabitje kjo që u faktua nga shenjat e gishtave të autorëve. Prej 2013, disa prej anëtarëve të ketij grupi u arrestuan, disa u vranë në përplasje me policinë ndërsa për Admir Murataj dyshohej se kishte hyrë në territorin shqiptar.

2 vjet më pas Murataj u shfaq në një ngjarje të bujshme. Më 13 shkurt 2015 rreth orës 12.30 pranë bulevardit “Zogu i Parë” nën kërcënimin e armëve bashkë me 2 të tjerë grabiti një bankë te nivelit të dytë.


Në përputhje me standarded JTI

Video

SHIKO KANALIN NE YOUTUBE
×