ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shqipëria heq vizat me këto dy shtete të largëta

11 September 2024, 15:37Aktualitet SHKRUAR NGA REDAKSIA VOX
Shqipëria heq vizat me këto dy shtete të largëta
Nikaragua

Shqipëria ka vendosur të heqë vizat me dy shtete, Nikaraguan dhe Kirgiztanin. Vendimet janë miratuar në mbledhjen e Këshillit të Ministave ditën e sotme.

Me Nikaraguan, heqja e vizave i përfshin të gjitha kategoritë, si ato të zakonshme dhe për pasaportat diplomatike dhe të shërbimit.

Ndërsa me Kirgiztanin kjo vlen vetëm për mbajtësit e pasaportave diplomatike dhe të shërbimit.

Vendimi i parë:

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Nikaraguas, për përjashtimin e vizave për pasaportat e zakonshme, diplomatike dhe të shërbimit, sipas tekstit që i bashkëlidhet këtij vendimi.

Ky vendim hyn në fuqi menjëherë.

Vendimi i dytë:

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe Kabinetit të Ministrave të Republikës së Kirgizstanit, për përjashtimin e kërkesave për vizë për mbajtësit e pasaportave diplomatike dhe të shërbimit, sipas tekstit bashkëlidhur këtij vendimi.

Ky vendim hyn në fuqi menjëherë.


Në përputhje me standarded JTI

Video

SHIKO KANALIN NE YOUTUBE
×