ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shembet muri i një pallati në Durrës, tmerrohen qytetarët (video)

23 July 2022, 12:22Aktualitet SHKRUAR NGA REDAKSIA VOX

Shembet muri i një pallati në Durrës, tmerrohen qytetarët

Një pjesë e murit të  një pallati në lagjen 18 në Durrës ka rënë mëngjesin e sotëm duke rrezikuar kalimtarët në rrugë. Policia mbërriti në vendin e ngjarjes duke nisur hetimet për ngjarjen. Banorët thonë se kjo është një ngjarje e përsëritur.

Muri i pallatit të dëmtuar nga tërmeti ka aksidentuar edhe një fëmijë 5-vjecar para një jave thanë banorët.

“Ajo ka qenë e çame. E shihnin të gjithë dhe asnjë nuk vinte me e heq. Ku është qeveria, ku është teknika? Asnjë. Ka tre vjet. Ja ku është tjetra, asnjë nuk e vret mendjen. Këto shiritat i kanë vënë policia vetë”, u shpreh një banor.

 “Duke kaluar ishte, shpëtoi”, tha një tjetër.

Banorët thonë se janë të detyruar të jetojnë me rrezikun e vdekjes brenda në pallatit pasi kanë tre muaj pa marrë bonusin e qerasë.

Ata u shprehën se bashkia nuk ka marrë asnjë masë ndërkohë që për çdo ditë janë të rrezikuar nga shembja e pjesëve të ndryshme të pallatit 7 katësh.

Tre katet e para të pallatit si edhe shkallët janë dëmtuar rëndë, por brenda tij ka disa familje që banojnë.

 

 


Në përputhje me standarded JTI

Video

SHIKO KANALIN NE YOUTUBE
×