ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Mafia në Brooklyn / Kapo i “Genovese” rrezikon 40 vite burg, bashkë me aktorin Luan Bexheti kërcënuan biznesmenin shqiptar për borxhin e nipit

15 December 2023, 21:05Aktualitet SHKRUAR NGA REDAKSIA VOX
Mafia në Brooklyn / Kapo i “Genovese” rrezikon 40 vite burg,
Luan Bexheti / Anthony Romanello / Joseph Celso

Anthony "Rom" Romanello, një kapo me reputacion familjes mafioze “Genovese”, është shpallur fajtor për zhvatje dhe kërcënime nga një juri gjyqësore në Brooklyn, SHBA.

Prokurorët thanë se Romanello ishte punësuar, së bashku me të pandehurin Joseph Celso, një ushtar i Genovese, për të kërcënuar biznesmenin shqiptar nga Plava dhe Gucia, Shuqeri "Bruno" Selimaj, pronar i restorantit "Lincoln Square Steak", tashmë i mbyllur, në Upper West Side të Manhatanit.

Nipi i Selimajt dhe kunati i nipit të tij kishin borxh 86 mijë dollarë për shkak të bixhozit ndaj bashkëpunëtorit të dyshuar të mafias dhe aktorit shqiptar nga Tetova Luan Bexheti. Romanello dhe Celso donin që Selimaj ta shlyente borxhin.

Dyshja “ka përdorur kërcënime dhe dhunë” ndaj Selimajt në “përpjekje të përsëritura” për të mbledhur borxhin, deklaruan prokurorët. Në vizitën e tyre të tretë në restorant, Romanello është kapur nga kamera duke goditur Selimajn me grusht në fytyrë.

Mafia në Brooklyn / Kapo i “Genovese” rrezikon 40 vite burg,
Kapo i Genovese, Anthony "Rom" Romanello

Avokati i 86-vjeçarit Romanelli, Jerry McMahon, u përpoq të bindte juristët se Selimaj dhe klienti i tij ishin të njohur të vjetër që thjesht kishin hyrë në një mosmarrëveshje pasi ishin të dehur.

“Ai nuk e goditi Brunon për të mbledhur një borxh kumari”, argumentoi avokati McMahon. “Bruno i tha se ishte një italian i pastër, se nuk kishte guxim, se nuk ishte asgjë. E goditi me grusht, ai 86-vjeçari që rrinte aty. Ai e goditi me grusht sepse Bruno e ofendoi në fytyrë”.

Selimaj foli me policinë pas sulmit, por ai tërhoqi deklaratën të nesërmen dhe pagoi borxhet e të afërmve të tij. Ai ka dëshmuar në gjykatë se këtë e ka bërë nga frika.

“Kisha frikë se ky djalë mafioz do të më lëndonte, nipin tim”, tha Selimaj. “Kisha frikë sepse askush nuk bën shaka me mafian… Nuk ishte shaka.”

Mafia në Brooklyn / Kapo i “Genovese” rrezikon 40 vite burg,
Aktori nga Tetova Luan Bexheti

Bexheti u deklarua fajtor për të njëjtat akuza në tetor të vitit 2023 dhe pret dënimin. Pikat kryesore të karrierës së tij të aktrimit deri më tani përfshijnë zërin e "gangsterit shqiptar" në videolojën Grand Theft Auto IV përpara se të luante një rol të vogël në filmin me buxhet të vogël "Albanian Gangster" të vitit 2018. Ai gjithashtu performoi një herë në stand-up në Klubin e Komedisë së Nju Jorkut.

Celso u dënua të martën për një akuzë për grabitje dhe përballet me 20 vjet burg. Në vitin 1993, ai u akuzua për vrasjen e Manuel Mayi, një student i Kolegjit Queens nga Republika Domenikane. Ai u shpall i pafajshëm pasi dëshmitari kryesor i prokurorisë u largua nga vendi.

Kur dënohet në mars, Romanello përballet me një maksimum prej 40 vitesh burg.

Mafia në Brooklyn / Kapo i “Genovese” rrezikon 40 vite burg,
"Ushtari i Genovese" Joseph Celso
Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×