ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kadastra reagon pas akuzave për dhunë ndaj gazetares dhe kameramanit nga roja i institucionit

5 September 2025, 20:49Aktualitet SHKRUAR NGA REDAKSIA VOX
Kadastra reagon pas akuzave për dhunë ndaj gazetares dhe kameramanit
Agjencia Shtetërore e Kadastrës (ASHK)

Agjencia Shtetërore e Kadastrës (ASHK) dega Kamëz-Vorë, ka reaguar publikisht pas lajmit të publikuar ditën e sotme se një person dhe 2 rojet private të institucionit kanë dhunuar dhe kanë penguar në kryerjen e detyrës të gazetares Domenika Bajraktari dhe të kameramanit që e shoqëronte.

ASHK distancohet nga çdo akt dhune në këtë rast që ka prekur përfaqësues të medias ndërsa sqaron se personi i arrestuar me iniciale F. M., 67 vjeç, i cili dyshohet se ka dhunuar gazetaren, nuk është pjesë e stafit të Kadastrës.

Ndërkohë për dy rojet e istitucionit, Q. L., 64 vjeç dhe H. B., 52 vjeç, për të cilët ka nisur procedim penal pasi dyshohet se kanë dëmtuar kamerën e filmimit dhe kanë penguar median në ushtrimin e detyrës, ASHK tregon se rasti është në verifikim, dhe nëse konstatohet ndonjë shkelje ligjore, do të merren masa të menjëhershme.

Reagimi i plotë i Agjencisë Shtetërore të Kadastrës:

Në lidhje me lajmet e publikuara gjatë ditës së sotme për ngjarjen e ndodhur pranë Drejtorisë Vendore Kamez-Vorë, sqarojmë se:

Agjencia Shtetërore e Kadastrës  dënon dhe distancohet nga çdo akt dhune ndaj përfaqësuesve të medias gjatë ushtrimit të detyrës së tyre.

Në lidhje me rastin e raportuar, sqarojmë se personi që ka kryer veprimin ndaj gazetares nuk është punonjës i Agjencisë Shtetërore të Kadastrës. Ndërkohë jemi duke rishikuar të gjitha pamjet filmike të administruara nga kamerat e sigurisë dhe, nëse konstatohet shkelje nga rojet private, do të ndërmerren menjëherë hapat ligjorë dhe kontraktualë për të mos lejuar përsëritjen e rasteve të tilla.

Agjencia Shtetërore e Kadastrës shpreh besimin e plotë tek institucionet ligjzbatuese dhe është e bindur se ato do të kryejnë hetimet dhe do të vendosin drejtësi sipas ligjit.

Ne besojmë se puna e gazetarëve është një element i rëndësishëm për informimin e qytetarëve dhe ruajtjen e transparencës institucionale.

Agjencia Shtetërore e Kadastrës siguron publikun dhe median se do të vazhdojë të garantojë akses, respekt dhe bashkëpunim të ndërsjellë në çdo proces informimi.

 


Në përputhje me standarded JTI

Video

SHIKO KANALIN NE YOUTUBE
×