ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Dhuna ndaj Sokol Mëngjesit, si paraqitet gjendja shëndetësore e avokatit

31 May 2024, 10:35Aktualitet SHKRUAR NGA REDAKSIA VOX
Dhuna ndaj Sokol Mëngjesit, si paraqitet gjendja shëndetësore e
Avokati Sokol Mëngjesi

Avokati Sokol Mëngjesi, i cili u dhunua mëngjesin e 29 majit në zonën e ish-bllokut në Tiranë, ndodhet në koma, i intubuar.

Gjendja shëndetësore e avokatit duket e stabilizuar, referuar kjo parametrave që tregojnë monitorët.

I kontaktuar nga Top Channel, shefi i shërbimit të Neurokirugjisë Prof. Dr. Fatos Olldashi tha se, “përsa kohë është i intubuar diskutohet ende për jetën.

Por nëse vazhdon me këto parametra pra me ulje të edemës që ka në pjesën e përparme të trurit, do të tentohet zgjimi i tij ditën e hënë, pra të nxirret nga intubimi”.

Ndërkohë, dje është zbardhur edhe dëshmia e njërit prej autorëve, Dorjan Aliaj, i cili tha se sulmi ishte planifikuar nga Dritan Nano i cili ishte organizatori dhe porositësi dhe se kishin ditë që vëzhgonin lëvizjet dhe komunikonin me njëri tjetrin për këtë.

I riu ka pranuar se dhuna ka ardhur si paralajmërim që avokati të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit.

Ndërkohë vijojnë ende kërkimet dhe kontrollet për kapjen e tre autorëve të tjerë të shpallur në kërkim, por ende pa rezultat.

Kontrollet janë shtrirë në të gjithë vendin, jo vetëm në Tiranë.

 


Në përputhje me standarded JTI

Video

SHIKO KANALIN NE YOUTUBE
×