ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Agim Kajmaku u arrestua bashkë me nipin, si i ndryshuan vazot e luleve për të futur kokainën

12 June 2022, 08:20Fokus SHKRUAR NGA REDAKSIA VOX
Agim Kajmaku u arrestua bashkë me nipin, si i ndryshuan vazot e luleve
Agim Kajmaku

Përveç ish-kryebashkiakut socialist të Vorës, Agim Kajmaku, mësohet se për kapjen e 20 kg kokainë në në zonën e San Benedetto del Tronto në Itali është arrestuar dhe nipi i tij. Dajë e nip, njëri banues në Itali dhe tjetri në Shqipëri akuzohen për trafikimin e lëndëve narkotike.

Mediat italiane raportojnë se të arrestuar gjithsej janë 4 persona, dy të tjerë të punësuar nga Kajmaku dhe nipi i tij. Droga ishte fshehur brenda disa vazo lulesh që kishte blerë Kajmaku, klient prej kohësh në një fidanishte të njohur nga Grottamare.

Dajë e nip kishin blerë bimët e vogla në fidanishte dhe më pas vendosën që të bënin ndryshim dhe t’i vendosnin ato në vazo më të mëdha, të cilat i kishin blerë në një biznes lokal.

Kjo lëvizje e çuditshme u vu re nga pronari i fidanishtes, i cili njoftoi menjëherë karabinierët, që organizuan operacionin dhe vunë në pranga Agim Kajmkun, nipin e tij dhe dy persona të tjerë.

Sipas mediave vendase, kokaina e kapur nëse do të hidhej në treg kapte një vlerë rreth 1 milionë euro. Karabinierët kontrolluan shtëpitë e tyre në Ascoli por nuk gjetën asnjë gjurmë droge.

Vlen të theksohet fakti se Agim Kajmaku, para se të bëhej kryebashkiak i Vorës, merrej me biznesin e fidanëve, farërave dhe plehrave, me firmën e tij që merrej me “prodhim, shitje, tregim shumë e pakicë farash, fidanëve, pemëve frutore e dekorative, etj., punim i sipërfaqeve të gjelbërta, parqe, dekore urbane…”.

Agim Kajmaku humbi mandatin pak muaj pasi ishte zgjedhur si kryebashkiak në vitin 2019, për shkak të ligjit të dekriminalizimit.

 


Në përputhje me standarded JTI

Video

SHIKO KANALIN NE YOUTUBE
×