KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Klopp nis revolucionin te Gjermania

17 September 2026, 13:57Sport SHKRUAR NGA REDAKSIA VOX

Klopp nis revolucionin te Gjermania

Jürgen Klopp ka nisur eksperimentet e tij në stolin e Gjermanisë.

Për katër ndeshjet e radhës në Nations League, trajneri ka grumbulluar plot 44 futbollistë, të ndarë në dy lista, duke kombinuar eksperiencën me talentet e rinj.

Mes emrave të përfshirë është edhe Brajan Gruda. Talenti shqiptar ka marrë zyrtarisht ftesën për të qenë pjesë e kombëtares gjermane, edhe pse për debutimin e tij do të duhet të presë.

22-vjeçari, i lindur në Gjermani dhe aktualisht pjesë e Leipzig, është përfshirë në listën e dytë, e cila do të aktivizohet në muajin tetor.

Në listën e parë, Klopp ka ndërthurur emra me eksperiencë, si Ter Stegen, Kimmich, Gnabry dhe Havertz, me lojtarë që kërkojnë të hedhin hapin e parë me fanellën e Gjermanisë.

Mes tyre spikat edhe Lennart Karl, i cili pritet të bëjë debutimin zyrtar, së bashku me Bamba Conté dhe Hennes Behrens.

E njëjta filozofi do të ndiqet edhe në dy sfidat e tetorit, ndaj Serbisë më 1 tetor dhe Greqisë më 4 tetor.

Klopp ka zgjedhur një tjetër grup futbollistësh, ku të rinjtë do të kenë pranë tyre lojtarë më me eksperiencë.

Adeyemi, Anton dhe Mittelstädt pritet të luajnë rolin e mentorëve për emra si Jeltsch, Bischof dhe Scherhant.

Qëllimi është i qartë, të testohen sa më shumë alternativa dhe të ndërtohet gradualisht një grup konkurrues për Kampionatin Europian të vitit 2028.

Gjermania do ta nisë këtë seri ndeshjesh më 24 shtator ndaj Holandës, me një skuadër të rinovuar, jo vetëm në stol, por edhe në fushë.


Në përputhje me standarded JTI

Video

SHIKO KANALIN NE YOUTUBE
×