ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Sheiku” i Fondit Shqiptar të Zhvillimit - Çfarë pajisje teknologjike do të blejë Dritan Agolli me 1 milionë euro?! 

25 September 2026, 21:40Aktualitet SHKRUAR NGA REDAKSIA VOX
Foto dokumentin vere ne nje cep anash ne foton e personazhit
Dritan Agolli

Dritan Agolli është kthyer në një nga njerëzit që qarkullon më shumë para’ në Shqipëri, madje për nga vlera e tenderëve që realizon javë pas jave do t’ia kalonte edhe “sheikëve”. Kohët e fundit, Fondi Shqiptar i Zhvillimit jo vetëm ka zgjidhur qesen, por ka hapur arkën e buxhetit, duke tenderuar dhjetëra miliona euro për riparime rrugësh, aq sa Vox News raportoi pak javë më parë se me vetëm një dorë ka tenderuar plot 71 milionë euro, “për të mbushur gropat e rrugëve dhe për disa fasada”. 

Ditët e fundit ka filluar që të shpërndajë këto fonde të kësaj “torte” gjigande, ndërsa ka vepruar me dinakëri, duke futur në lojë pikëzimin e firmave dhe jo kush ofron më shumë apo më pak. Një skemë që ngjason më shumë me “intervistat me gojë” sesa një vlerësim real, duke synuar që të gjitha fondet e akorduara të shkojnë te firmat e preferuara. 

Por, paralelisht me këto tendera me shumë zero, që gjithmonë nuk dihet se ku shkojnë, i njëjti institucion ka hapur një tender të pazakonte për nga vlera, pasi të gjitha institucionet shtetërore për të tilla procedura kanë vlerë sa 1/10 apo 1/100 e shumës që po shpenzon vetë Tan Agolli. 

“Sheiku” i Fondit Shqiptar të Zhvillimit - Çfarë
Faksimile: Njoftimi i tenderit të FHSZH-së për të blerë pajisje të teknologjisë së informacionit, me vlerë rreth 1 milionë euro 

Sipas dokumenteve që ka hulumtuar Vox News, Fondi Shqiptar i Zhvillimit ka hapur një tjetër procedurë sërish me shumë zero, jo për të ndërtuar rrugë apo bërë fasada, por për të blerë disa pajisje të teknologjisë së informacionit. 

Agolli është mësuar që të shpenzojë shumë para’ për tendera, aq sa edhe për kompjutera mund të ketë shtuar ndonjë zero. Në dokumente shkruhet se objekti I procedurës së prokurimit është “blerje pajisje dhe sisteme të teknologjisë dhe informacionit për nevoja të FSHZH”. 

Fondi limit i tenderit është 85 milionë lekë, ose rreth 1 milionë euro. Një shumë e konsiderueshme, duke qenë se kërkohen të blihen kamera dixhitale, tastierë kompjuteri, ndërfaqe universal serial bus, monitorë, printer laser dhe kompjutera desktop. Aq shumë para’ ka Agolli sa të harxhojë këtë shumë të majme vetëm për këto pajisje? Kaq lekë nuk harxhojnë as televizionet për pajisje e jo ky fond, që duket se ka hapur thesin e shpenzimeve. Tashmë pyetja nuk është se sa do të jetë tenderi i radhës nga Agolli, por kush do ta ndalojë këtë “sheik”?!

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016


Në përputhje me standarded JTI

Video

SHIKO KANALIN NE YOUTUBE
×