ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

PD rikthehet te bojkoti, nuk do të marrë pjesë në betimin e Bajram Begajt në Kuvend

23 July 2022, 17:35Politikë SHKRUAR NGA REDAKSIA VOX
PD rikthehet te bojkoti, nuk do të marrë pjesë në betimin e
Presidenti i zgjedhur, Bajram Begaj

Partia Demokratike do të bojkotojë seancën e betimit të Bajram Begajt si President i ri i vendit.

Është e paqartë nëse grupi parlamentar demokrat do të jetë i unifikuar në këtë qëndrim, apo bojkoti do të mbahet vetëm nga grupi i deputetëve që mbështesin Sali Berishën.

Ky i fundit e ka cilësuar antikushtetuese zgjedhjen e Bajram Begajt, pasi në momentin që u votua në Kuvend kishte ende statusin dhe gradën e ushtarakut. Berisha i bëri thirrje Ilir Metës në ato ditë që të mos dekretonte dorëheqjen e Begajt nga gradat e ushtrisë.

Me këtë qëndrim, sipas ABC, PD nuk do të marrë pjesë në seancën plenare të betimit të Begajt që mbahet në orën 18:00.

Pas seancës, Begaj do të niset drejtë godinës së Presidencës. Atje Ilir Meta do ta presë përmes një ceremonie shtetërore për t’i dorëzuar zyrtarisht detyrën. Tekstin e betimit në Presidencë, Begajt do t’ia lexojë kryetarja e Gjykatës Kushtetuese, Vitore Tushaj. Pas marrjes së mandatit, Begaj do të përshëndes Metën, duke nisur një cikël të ri në karrierën e tij, këtë herë si kryetar i Shtetit shqiptar.

Bajram Begaj u zgjodh presidenti i ri i Shqipërisë në qershor me 78 vota.

 


Në përputhje me standarded JTI

Video

SHIKO KANALIN NE YOUTUBE
×