ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

PD kërkon Ramën në Kuvend: Ku është? Të vijë të japë llogari për draft-asociacionin, po dëmton Kosovën

15 June 2023, 12:06Politikë SHKRUAR NGA REDAKSIA VOX
PD kërkon Ramën në Kuvend: Ku është? Të vijë
Edi Rama dhe Oerd Bylykbashi

Kryeministri Edi Rama mungon në seancën e sotme plenare, teksa sipas deputetit demokrat Oerd Bylykbashi, ai duhet të jetë i pranishëm dhe të japë llogari në lidhje me draftin e Asociacionit të komunave me shumicë serbe në veri të Kosovës.

Bylykbashi tha se Shqipëria duhej t’i dilte në krah Kosovën, por në fakt po e dëmton deklarata më të rënda se ndërkombëtarët.

“Ça po bën qeveria shqiptare. Nuk jemi për atë që është detyra jonë, përfaqësimi i sovranit. Nëse ka një interes që shkruhet që në preambul, është interesi kombëtar. Na udhëzon kushtetua të futemi edhe në aleanca për mbrojte të interesit kombëtar. Duhet të kishim sot kryeministrin për të kuptuar këtë aleancë si e shfrytëzojmë për interes kombëtar. Ku është kryeministri? Konsiderata e tij për parlamentin është zero. Duhej të ishte këtu të jepte llogari për atë që i ka propozuar të tjerëve e jo Kosovës. Veprime që dëmtojnë interesin kombëtar. Interesi ynë kombëtar është në veri të Kosovës. Ky parlament duhet të marrë në llogari kryeministrin. Ky kryeministër është duke vënë në pozitë të vështirë negociuese Kosovën, në vend se të këtë një partner strategjik, aleat të NATO-s të dikojë në interes të saj, ne bëjmë të kundërt, i dëmtojmë. Ne i mbështesim i këshillojmë, por jo duke i vënë në pozitë të vështirë. Po e dëmtojmë Kosovën në negociatë, po i vëmë në pozita të vështira me deklarata më të rënda sesa partneret ndërkombëtarë”, tha Bylykbashi.

Para disa ditësh, kryeministri Edi Rama deklaroi para gazetarëve se ka përgatitur një draft statut për Asociacionin të cilin ia kishte dërguar presidentit francez Macron dhe kancelarit gjerman, Scholz.


Në përputhje me standarded JTI

Video

SHIKO KANALIN NE YOUTUBE
×