ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ndërhyrja në sistemin TIMS, Bardhi: SHBA e shqetësuar, skandali meriton hetim të plotë

17 August 2023, 15:34Politikë SHKRUAR NGA REDAKSIA VOX
Ndërhyrja në sistemin TIMS, Bardhi: SHBA e shqetësuar, skandali
Gazment Bardhi / Sistemi TIMS

Deputeti demokrat Gazment Bardhi kërkon hetim të plotë të skandalit të denoncuar disa ditë më parë, për vjedhje të të dhënave të sistemit TIMS.

Për këtë çështje, përfaqësuesi i Ambasadës së SHBA në Tiranë takoi sot ministrin e Brendshëm, Taulant Balla.

Bardhi thotë se e mbështet hetimin e plotë për këtë skandal, që ka shqetësuar edhe SHBA-në.

Më herët është denoncuar në media ndërhyrja në sistemin TIMS, nga një zyrtar i lartë, me dyshimin se ka kopjuar të gjithë databazën me të gjitha të dhënat sensitive.

Reagimi i plotë i Gazment Bardhit:

Shqetësimi i SHBA në lidhje me ndërhyrjet e raportuar në sistemet TIMS në Policinë e Shtetit meriton një vëmendje të veçantë nga Grupi Parlamentar i PD.

Ky skandal i denoncuar ditë më parë nga kolegët deputetë, që cënon të dhënave vetjake/sensitive të qyetatarëve shqiptarë dhe shtetasve të huaj, kërkon një hetim të plotë dhe të gjithëanshëm dhe duhet të jetë një nga prioritet e punës së Grupit Parlamentar në seision e ri.

Duke falenderuar të Ngarkuarin me Punë të Ambasadës së SHBA në Tiranë, z. H. Martin McDoëell për vëmendjen ndaj kësaj çështje, dua të siguroj çdo qytetar shqiptar e të huaj, se Grupi Parlamentar i PD mbështet hetimin e plotë të këtij skandali dhe do të ndërmarrë çdo iniciativë parlamentare për zbardhjen e plotë të tij.


Në përputhje me standarded JTI

Video

SHIKO KANALIN NE YOUTUBE
×