KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Këshilli Bashkiak i Tiranës miraton buxhetin e 2026 pa Veliajn

18 December 2025, 18:38Politikë SHKRUAR NGA REDAKSIA VOX
Këshilli Bashkiak i Tiranës miraton buxhetin e 2026 pa Veliajn
Këshilli Bashkiak i Tiranës miraton buxhetin e 2026

Këshilli Bashkiak i Tiranës ka miratuar buxhetin e vitit 2026 me vlerë rreth 400 milionë euro, në një mbledhje të zhvilluar pa praninë e kryetarit të arrestuar të Bashkisë së Tiranës, Erion Veliaj.

Kryebashkiaku kishte kërkuar të ishte i pranishëm në mbledhje, por kërkesa e tij është refuzuar nga SPAK.

Partia Demokratike ka hedhur dyshime serioze mbi legjitimitetin e vendimmarrjes, duke theksuar se 29 amendamente të propozuara nga opozita nuk u hodhën fare në votim.

Ilir Alimehmeti ngriti pikëpyetje mbi kompetencat e drejtimit të Bashkisë.

“A e ka Ristani kompetencën për të firmosur, duke mos qenë kryetare e zgjedhur por e urdhëruar?”, shtroi pyetjen ai gjatë debatit.

Nga ana e saj, Anuela Ristani u shpreh se dorëzimi i draftit të buxhetit ishte një detyrim institucional.

“Kemi për detyrë ta dorëzojmë. Çështjet mund të jenë të drejta, por nuk jam autoriteti i duhur për t’u dhënë përgjigje. Do të ishte shkelje nëse nuk e dorëzoja një draft”.

Përfaqësuesi socialist, Eridian Salianji, deklaroi nga ana tjetër se mungesa e Veliajt ka ndikuar drejtpërdrejt në performancën financiare të Bashkisë.

“Sot kemi vetëm 60% zbatim të buxhetit dhe kjo dihet pse ka ndodhur. 40% e buxhetit 2025 nuk është realizuar për shkak të mungesës së kryetarit, duke sjellë pasoja direkte në shërbimin ndaj qytetarëve”.

Miratimi i buxhetit pa praninë e kryetarit të bashkisë dhe pa votimin e amendamenteve të opozitës pritet të thellojë më tej përplasjen politike në Këshillin Bashkiak, ndërsa PD paralajmëron se do të ndjekë rrugë institucionale për të kontestuar procesin.


Në përputhje me standarded JTI

Video

SHIKO KANALIN NE YOUTUBE
×