ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Evi Kokalari nxjerr prapaskenat e "Kryesisë" dhe shpërthen ndaj Këlliçit: Turp të të vijë!

31 May 2022, 17:40Politikë SHKRUAR NGA REDAKSIA VOX
Evi Kokalari nxjerr prapaskenat e "Kryesisë" dhe shpërthen
Evi Kokalari, Belind Këlliçi, Agron Shehaj dhe Oerd Bylykbashi

Aktivistja Evi Kokalari, një nga mbështetës më të flakta të Sali Berisha, ka kritikuar zgjedhjet e të shtunës për Kryesinë e re të PD-së, ku ajo nuk arriti të fitonte dhe vendosi të tërhiqej nga politika duke u larguar sërish drejt SHBA-ve.

Në një postim në rrjetet sociale ajo shprhet se ka patur manipulim të vullnetit të lirë për zgjedhjen e Kryesisë së re të PD-së, teksa tregon se anëtarët e Këshillit Kombëtar dhe Forumit Rinor kanë lobuar për Belind Këlliçin dhe Fatbardha Kadiun, dy më të votuarit e Kryesisë.

Ajo tregon më tej se mëngjesin e 22 Majit është nisur një listë lobimi për Kryesi duke lënë jashtë deputet dhe njerëz që vërtet i janë gjëndur Sali Berishës pranë që ditën e parë. Sipas saj, Belind Këlliçi dhe disa prej më të votuarve të Kryesisë së PD-së janë po aq të shantazhueshëm sa ishin me Lulzim Bashën.

Kokalari paralajmëron se nëse manipulohen votat e të premtes, kur do të zgjidhen nënkryetarët dhe sekretariatet, ajo është gati të flasë me detaje, emra, mbiemra dhe fakte.

Reagimi i plotë:

Nuk dua të dëgjoj më që Belind Kelliçi dhe Fatbardha Kadiu kanë qënë më të votuarit në Kryesi. Dhe hipokrizinë e Belindit kur thotë se është i prekur nga kjo dashamirësi në votim, kur e di fare mirë si e arriti, bën mirë ta përdorë për ata që e rrethojnë dhe jo për njerëzit me IQ të konsiderueshme.

Turp ti vi Belindit dhe shokëve të tij të ngushtë që nxorrën anëtarë të Këshillit dhe anëtarë të Forumit Rinor të lobojnë për të dhe për Fatbardha Kadiun në 22 Maj.

Nuk është aspak etike që një anëtarë i Këshillit të loboj për miqtë e tij kundër anëtarëve të tjerë.
Ky quhet orientim vote dhe është një lloj manipulimi i vullnetit të lirë. Ky akt duhet të ndërshkohet nga Komisioni i etikës nëse PD do këtë një.

Turp edhe për ata që nisën një list lobimi për Kryesi në mëngjesin e 22 Majit, duke lënë jashtë deputet dhe njerëz që vërtet i janë gjëndur Sali Berishës pranë që ditën e parë dhe që doktori i kishte dhënë një shans të barabartë për Kryesi, ashtu siç dhe e meritonin.

Ju jeni po aq të shantazhueshëm sa ishit me Lulzim Bashën, dhe helbete ju jeni të fundit që ju bashkuat karvanit të Berishës.
Ja, ky eshte karakteri, integriteti dhe hipokrizia juaj.

Kam katër javë që bëj luftë pikërisht për të mbrojtur votën e 22 Majit dhe të 3 Qershorit, dhe nuk do t’ju lë ti merrni votë individëve si Oerd Bylykbashi, Agron Shehaj dhe disa të tjerëve nëse ata kandidojnë këtë të Premte. Këta e kanë treguar integritetin dhe kapacitetin e tyre dhe kanë aq dinjitet që mos ngelen krijesa të lobimeve.

Jam gati të flas në detaje nëse kandidaturat dhe votat e të Premtes manipulohen/orientohen.
Do flas me emra, mbiemra dhe fakte!!


Në përputhje me standarded JTI

Video

SHIKO KANALIN NE YOUTUBE
×