ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Turizmi natyror, 4.5 milionë vizitorë në zonat e mbrojtura. Kush është vendi më i vizituar?

9 February 2024, 13:31Lifestyle SHKRUAR NGA REDAKSIA VOX

Turizmi natyror, 4.5 milionë vizitorë në zonat e mbrojtura. Kush

Të paktën 4.5 milinë turistë vendas dhe të huaj kanë vizituar zonat e mbrojtura në vitin që lamë pas. Pavarësisht ecurisë së mirë të turizmit në vend duket se ai natyror ka pësuar tkurrje në raport me vitin 2022. Ministria e Turizmit dhe Mjedisit në statistikat e saj periodike të sektorit pranon se ka një rënie të lehtë sipas shifrave që ka raportuar Agjencia Kombëtare e Zonave të Mbrojtura.

“Në lidhje me turizmin natyror, te dhënat nga Agjensia Kombëtare e Zonave vendas, që kanë vizituar zonat tona te mbrojtura. Mbeshtetur ne të dhenat e sjella nga zonat e mbrojtura rezulton nje ulje e moderuar prej 1,7% krahasuar me numrin e vizitorëve gjate vitit paraardhës” thuhet në raport.

Shifrat në këtë këto zona shpesh nuk shfaqin situatën reale për shkak se sektori ende ka informalitet apo mungesë të sistemeve që mund të kontrollojnë numrin e saktë të vizitorëve.

Por cilat janë zonat e mbrojtura që kanë pasur më shumë vizitorë vitin e shkuar? Sipas të dhënave vihet re një rënie e dukshme e rajonit të Korçës që në vitin 2022 mbante kryesimin. Këtë vit ështe Shkodra ajo që qëndron në krye për nga numri i vizitorëve ndërkohë qe pas saj vijnë Fieri dhe Vlora.

Ndërkohë rreth 2 milionë vizitorë të huaj dhe vendas kanë vizituar Parqet Kombëtare të vendit tonë gjatë vititi 2023. Ky vit shënon një rritje 40,2% krahasuar dhe me vitin paraardhës. Parku kombëtar më i vizituar eshtë Divjakë- Karavasta, Alpet e Shqipërisë dhe Mali i Tomorrit.

Janë 425,000 vizitore që kanë vizituar Monumentet e Natyrës giate vitit 2023, kjo vlerë shënon një ulje ne masën 0,5% krahasuar me vitin 2022. Ujrat Termale të Bënjës, Shpella Shënandoit dhe Sarisalltik janë Monumentet e Natyres më të vizituara për vitin 2023.

Liqeni i Shkodës, Syri i Kaltër dhe Qafështama kanë qenë Rezervatet Natyrore më të vizituara gjatë vitit 2023.


Në përputhje me standarded JTI

Video

SHIKO KANALIN NE YOUTUBE
×