ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Nga hapësira në Tokë, NASA transmeton videon e një maceje përmes lazerit

19 December 2023, 22:00Lifestyle SHKRUAR NGA REDAKSIA VOX
Nga hapësira në Tokë, NASA transmeton videon e një maceje
NASA publikon për herë të parë një video kilometra larg Tokës

NASA ka transmetuar nga hapësira një video ultra HD të një maceje në Tokë. Segmenti 15-sekondësh i Taters u dërgua me anë të rrezeve lazer dhe tregon macen që po ndjek një të tillë.

Filmimi i maces përshkoi 19 milionë milje, 80 herë sa distanca Tokë-Hënë.

NASA shpreson që teknologjia që po teston do të përmirësojë komunikimin me zonat më të largëta të sistemit diellor. Taters, macja e njërit prej punonjësve të NASA-s ndodhej në Tokë gjatë kësaj ngjarjeje.

Videoja u ngarkua në një anije hapësinore që u lëshua më 13 tetor së bashku me raketën Falcon Heavy të SpaceX dhe u transmetua më 11 dhjetor.

“Pavarësisht se u transmetua nga miliona milje larg, kishte kapacitet ta dërgonte videon më shpejt se interneti”, tha Ryan Rogalin.

Videoja u mor nga teleskopi Hale në observatorin Palomar ku edhe u shkarkua. Nga aty u transmetua në kohë reale në një prej degëve të NASA-s. Rezultoi se lidhja përmes së cilës videoja u dërgua nga Palomar drejt degës ishte më e ngadaltë se sa sinjali që transmetonte segmentin nga hapësira.

Ky testim është pjesë e misionit DSOC të agjencisë hapësinore që po kërkon të gjejë forma komunikimi që depërtojnë më tej se sa midis Tokës dhe Hënës.

 


Në përputhje me standarded JTI

Video

SHIKO KANALIN NE YOUTUBE
×