KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Fero heq dorë nga muzika dhe bëhet mysliman i devotshëm: Kam studiuar Islamin, mos i dëgjoni këngët e mija

22 August 2023, 16:59Lifestyle SHKRUAR NGA REDAKSIA VOX
Fero heq dorë nga muzika dhe bëhet mysliman i devotshëm: Kam
Reperi Fero

Reperi nga Kosova, Fero thotë se do të largohet nga muzika, dhe shkak për këtë është bërë besimi fetar i Islamit ku thuhet se muzika është “harram” apo e ndaluar.

Fero thotë se tashmë falet pesë herë në ditë, dhe është penduar për muzikën që ka bërë në të kaluarën.

Ai i bën thirrje fansave të mos i dëgjojnë këngët e tij. Kujtojmë se Fero ka vetëm pak kohë që ka dalë nga paraburgimi pas akuzave për dhunë ndaj bashkëshortes së tij.

Mesazhi i Feros për ndjekësit:

Përshëndetje miq, desha t’ju njoftoj se kohëve të fundit kam pasur disa sfida në jetën time, të cilat me ndihmën e Allahut i kam kaluar. Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth fesë islame dhe më është bërë e qartë se muzika është e ndaluar në islam. Për këtë arsye kam vendosur që ta lë muzikën dhe t’i përkushtohem fesë islame dhe familjes time.

Unë dua t’ju njoftoj se falem 5 herë në ditë, dhe pendohem te Allahu, Krijuesi i gjithësisë për çdo këngë që e kam kënduar dhe çdo tekst që e kam shkruar, pastaj i kërkoj falje familjes time dhe gjithkujt që i kam bërë padrejtësi, ju kërkoj që t’ma bëni hallall.

Unë kam një mesazh për çdo kënd që dëgjon këngët e mija le t’i fshijë ato këngë ose mos t’i dëgjojë asnjëherë, le të largohet nga kjo gjë e kotë.

Secili njeri është i lirë të zgjedh mënyrën se si ta jetojë jetën e tij.

Gjithashtu ju thërras të gjithë juve që të falni namazin, ndiqni shembullin tim të udhëzimit dhe të largoheni nga shembulli i devijimit.

E di se do të ketë njerëz që do të më paragjykojnë, do të thonë se a e dini se çfarë mëkate ke bërë etj, mirëpo mua më mjafton fjala e Allahut të Lartësuar: “Thuaj: “O robërit e mi, ju që e keni ngarkuar veten me shumë gabime, mos e humbni shpresën ndaj mëshirës së Allahut, se vërtet Allahu i fal të gjitha mëkatet”.

Ez Zumer 53.

Me respekt Feronit Shabani

Fero heq dorë nga muzika dhe bëhet mysliman i devotshëm: Kam


Në përputhje me standarded JTI

Video

SHIKO KANALIN NE YOUTUBE
×