KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Emigrantët shqiptarë diskriminohen edhe nga Inteligjenca Artificiale, investigimi zbulon si përdoret "AI" për azilkërkuesit dhe martesat e rreme

23 October 2023, 19:39Kosova&Bota SHKRUAR NGA REDAKSIA VOX
Emigrantët shqiptarë diskriminohen edhe nga Inteligjenca Artificiale,
Foto ilustruese

Sipas një hetimi të Guardian, zyrtarët qeveritarë në Britaninë e Madhe po përdorin inteligjencën artificiale (AI) dhe algoritme komplekse për të ndihmuar në vendosjen e gjithçkaje, nga kush merr përfitime e deri tek kujt duhet t’i miratohet licenca e martesës.

Gjetjet hedhin dritë mbi mënyrën e rastësishme dhe shpesh të pakontrolluar që teknologjia e fundit po përdoret në të gjithë “Whitehall”.

Nëpunësit civilë në të paktën tetë departamente të “Whitehall” dhe një pjesë e vogël e forcave të policisë po përdorin “AI” në një sërë fushash, por veçanërisht kur bëhet fjalë për t'i ndihmuar ata të marrin vendime mbi mirëqenien, imigracionin dhe drejtësinë penale, tregon hetimi.

The Guardian ka zbuluar prova që disa nga mjetet që përdoren kanë potencialin për të prodhuar rezultate diskriminuese, të tilla si:

-Një algoritëm i përdorur nga Departamenti për Punë dhe Pensione (DWP) për të cilin një deputet beson se gabimisht çoi në heqjen e përfitimeve të dhjetëra njerëzve.

-Një mjet për njohjen e fytyrës, i përdorur nga policia Metropolitane, është zbuluar se bën më shumë gabime në njohjen e fytyrave të zeza sesa të të bardhëve në kushte të caktuara.

-Një algoritëm i përdorur nga Zyra e Brendshme për të shënuar martesat e falsifikuara që ka përzgjedhur në mënyrë disproporcionale njerëz të kombësive të caktuara.

Inteligjenca artificiale zakonisht "stërvitet" në një grup të madh të dhënash dhe më pas analizon ato të dhëna në mënyra që edhe ata që kanë zhvilluar mjetet ndonjëherë nuk i kuptojnë plotësisht.

Nëse të dhënat tregojnë prova të diskriminimit, paralajmërojnë ekspertët, mjeti i “AI” ka të ngjarë të çojë gjithashtu në rezultate diskriminuese.

NHS ka përdorur “AI” në një sërë kontekstesh, duke përfshirë gjatë pandemisë Covid, kur zyrtarët e përdorën atë për të ndihmuar në identifikimin e pacientëve në rrezik të cilët duhet të këshilloheshin që të mbrohen.

Zyra e Brendshme tha se përdorte inteligjencën artificiale për e-portat për të lexuar pasaportat në aeroporte, për të ndihmuar me dorëzimin e aplikacioneve për pasaporta dhe në “mjetin e triazhit të martesave të rreme”, i cili tregon martesat e mundshme të rreme për hetime të mëtejshme.

Një vlerësim i brendshëm i Home Office i parë nga Guardian tregon se mjeti shenjon në mënyrë disproporcionale njerëz nga Shqipëria, Greqia, Rumania dhe Bullgaria. /Artikulli i plotë


Në përputhje me standarded JTI

Video

SHIKO KANALIN NE YOUTUBE
×