KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Pas vendimit të Kushtetueses, Meta bëhet më amerikan se Yuri Kim

21 February 2022, 20:54Fokus SHKRUAR NGA REDAKSIA VOX

 

Pas vendimit të Kushtetueses, Meta bëhet më amerikan se Yuri Kim

Pas vendimit të Gjykatës Kushtetuese që nuk e shkarkoi nga detyra, presidenti Ilir Meta ka ndryshuar tërësisht fjalor ndaj Shteteve të Bashkuara Amerikës.

Duket se në Pallatin Presidencial fryn një erë më amerikane sesa në selinë e Rrugës së Elbasanit.

Presidenti Meta ka zbuluar se sot se është Dita e Presidentëve, një festë zyrtare e SHBA, në nderim të Presidentit të Parë, George Washington dhe ka shkruar një himn të vërtetë për presidentët amerikanë.

Për më tepër lexoni shënimin e presidentit Meta:

“TA DUAM KUSHTETUTËN TONË, SIÇ E DONTE GEORGE WASHINGTON KUSHTETUTËN E VENDIT TË TIJ!

Sot, me rastin e Ditës së Presidentëve, një festë zyrtare e Shteteve të Bashkuara të Amerikës, vendosur në nderim të Presidentit të Parë, George Washington, kujtojmë me nderim dhe mirënjohje të gjithë krerët e shtetit amerikan të cilët kanë lënë një shembull dhe trashëgimi drejtimi tejet frymëzuese.

Kujtojmë në veçanti Presidentin Woodrow Wilson i cili nuk e pranoi ndarjen e Shqipërisë duke luajtur një rol vendimtar në Pavarësinë e vendit tonë.

Presidentët Reagan dhe Bush i Parë që punuan pa reshtur për rrëzimin e regjimit komunist në Shqipëri, Europë dhe kudo në botë.

Nderojmë sot Presidentin Bill Clinton, mikun e madh të kombit tonë, i cili udhëhoqi energjikisht nismat vendimtare për ndalimin e gjenocidit të regjimit kriminal të Millosheviçit ndaj popullit të Kosovës.

Kujtojmë vizitën historike të Presidentit George W. Bush në vitin 2007, i pari kryetari shteti i SHBA që vizitoi Shqipërinë dhe që lajmëroi nga Tirana shpalljen e Pavarësisë së Kosovës.

Mirënjohje të gjithë krerëve të SHBA për kontributin e vyer të dhënë për forcimin marrëdhënieve të shkëlqyera me vendin tonë.

Shqipëria është e vendosur për të qëndruar krah për krah Shteteve të Bashkuara të Amerikës, duke ndarë vlerat e përbashkëta euro-atlantike dhe demokratike, në të mirë të interesit të përbashkët të dy popujve tanë miq, si dhe për të zhvilluar akoma edhe më tej lidhjet tona strategjike!”


Në përputhje me standarded JTI

Video

SHIKO KANALIN NE YOUTUBE
×