KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

E treta e vërteta! Rihapet sërish koncesioni për rrugën Milot–Balldre, tashmë edhe ndërkombëtarët bëhen pjesë

11 August 2025, 15:20Fokus SHKRUAR NGA REDAKSIA VOX
E treta e vërteta! Rihapet sërish koncesioni për rrugën
Foto ilustrim

Ministria e Infrastrukturës dhe Energjisë ka rihapur koncesionin e shumë debatuar të rrugës Milot–Balldre, një segment që do të lidhë Rrugën e Kombit me pjesën veriore të Shqipërisë. Kjo është hera e tretë që hapet ky koncesion, pasi dy tentativat e para kanë dështuar, fillimisht pasi firma fituese nuk siguroi dot paratë dhe herën e dytë ministria tha se “s’ka asnjë ofertë të përshtatshme”.

Ndërkohë, në herën e tretë ministria thotë se tenderi është ndërkombëtar dhe kërkon oferta edhe nga firmat e tjera. Duket një “lojë” që po zgjatet pafundësisht ndoshta edhe për të rritur kostot, të cilat deri më tani janë rritur shumë ndjeshëm. Por, barra do të bjerë mbi përdoruesit e rrugës, të cilët do të paguajnë edhe një kosto për çdo kalim, nisur edhe nga lloji i mjetit.

 

E treta e vërteta! Rihapet sërish koncesioni për rrugën
Faksimile: Njoftimi i rihapjes së koncesionit Milot – Balldre, në Agjencinë e Prokurimi Publik për të tretën herë

 

Sipas dokumenteve, në datën 8 gusht 2025 është rihapur koncesioni i rrugës Milot – Balldre, teksa njoftimi është publikuar në Agjencinë e Prokurimit Publik. Objekti i procedurës është “për dhënien me koncension të segmentit rrugor Milot-Balldre”.

Njoftimi vjen disa javë pasi VoxNews publikoi dokumentin e anulimit për herë të dytë. Në datën 14 korrik 2025, ministria nxori dokumentin zyrtar, ku theksonte se asnjë nga firmat që bëri ofertë nuk ishte e përshtatshme. Mësohet se para ministrisë paraqiten oferta disa nga firmat dhe oligarkët që kanë marrë tendera dhe koncesione, por ndryshimi i kursit i ka lënë të gjithë të habitur. Por nëse firma Gener 2 bëri Thumanë – Kashar, Salillari operon në Durrës – Kukës, teksa firmat A.N.K dhe 4 A-M fitojnë lehtësisht tendera nga Autoriteti Rrugor Shqiptar, përse nuk dorëzuan asnjë ofertë të përshtatshme?!

 

E treta e vërteta! Rihapet sërish koncesioni për rrugën
Faksimile: Anulimi i koncesionit të rrugës Milot – Balldre, i shpallur nga Ministria e Infrastrukturës dhe Energjisë në muajin korrik 2025

 

Duket se negociatat mes firmave dhe personave që qëndrojnë pas tyre nuk mund të kenë avancuar. Në korrik ishte hera e dytë e anulimit të këtij koncesioni, ku herën e parë A.N.K nuk siguroi dot paratë.

Arsyet e anulimit në korrik ishte për shkak se “asnjë nga ofertat e paraqitura nuk përmbushin kërkesat e ftesës për procedurën konkurruese pra nuk është dorëzuar asnjë ofertë e përshtatshme. Ofertuesit janë njoftuar për skualifikimin e tyre nga Autoriteti Kontraktues në datë 19.06.2025”.

Mësohet se u paraqiten 4 oferta nga “Gener 2”, “Salillari”, “A.N.K” dhe “4 A-M”, por siç shkruan edhe ministria “s’kishte asnjë ofertë të përshtatshme”. Mësohet se koncesioni ka një gjatësi prej 17 kilometrash dhe investimi i privatit është parashikuar që të ishte rretht 365 milionë euro. Nga studimet e kryera rezultonte se aksi do të gjeneronte një shumë rreth 1 miliardë euro për 35 vite.

Firma fituese do të vendoste edhe një tra, ku tarifa bazë e kalimit në rrugën Milot-Balldre ishte 0.12 euro për kilometër. Kalimi i një mjeti autoveturë në 17 kilometra do të kushtonte 2.5 euro.

©Copyright Vox News

Ky artikull është ekskluziv i VoxNews, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar VoxNews dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×