KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Dy paradokse shqiptare dhe risitë e politikanëve që s'kanë të sosur

25 February 2022, 17:58Fokus SHKRUAR NGA REDAKSIA VOX
Dy paradokse shqiptare dhe risitë e politikanëve që
Fatos Tarifa
Diplomati i njohur dhe profesori i sociologjisë, Fatos Tarifa ka ndarë me miqtë e tij në rrjetet sociale dy momente të cilat atij i kanë bërë përshtypje.

Bëhet fjalë për dy episode të cilat pa frikë mund të quhen paradokse shqiptare.

Profesor Tarifa thotë se Shqipëria ka në listën e personave ‘non grata’ nga SHBA presidentin e vetëm që ka pasur mundësinë të ketë hyrë në Zyrën Ovale.

Ndërsa paradoksi i dytë lidhet me takimin e 14-të të Komitetit Parlamentar të Stabilizim Asociimit, Bashkimi Europian- Shqipëri, ku vihet re se deputeti socialist Taulant Balla flet anglisht edhe pse salla është me shumicë me shqiptarë, ndërsa deputetja e PD, flet shqip dhe përkthehet për disa të dërguar të Brukselit në Tiranë.

Më poshtë teksti i Profesor Tarifës...

Paradoks shqiptar:

I vetmi president shqiptar që deri më sot ka hyrë në Oval Office në Shtëpinë e Bardhë, sot, i shpallur persona non grata, nuk hyn dot në Shtetet e Bashkuara.

Dy paradokse shqiptare dhe risitë e politikanëve që
Sali Berisha ne takim me Presidentin Bush

Një tjetër paradoks shqiptar.

Pashë në kanalin RTSH Kuvend një deputet socialist, i cili, në një mbledhje komisioni fliste anglisht për shkak të pranisë së dy a tre të huajve në atë mbledhje. Fjalët e tij në anglisht për të huajt u përktheheshin në shqip në mënyrë simultantë deputetëve shqiptarë të pranishëm në atë takim. Një absurd i vërtetë.

Pas tij, një deputete demokrate, po në atë komision, foli shqip dhe fjalët e saj u përktheheshin në anglisht pjesëmarrësve të huaj në atë takim. Gjëja e duhur.

Përfytyroni për një çast një parlamentar francez të flasë anglisht në parlamentin e vendit të tij, ose një senator amerikan të flasë frëngjisht në një prej komisioneve të Senatit!

Risitë e politikanëve shqiptarë s’kanë të sosur!

Dy paradokse shqiptare dhe risitë e politikanëve që
Takimi i 14-të i Komitetit Parlamentar të Stabilizim Asociimit, BE-Shqipëri

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.


Takimi i 14-të të Komitetit Parlamentar të Stabilizim Asociimit, BE-Shqipëri
Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×