ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Paraja elektronike tërheq gjithnjë e më shumë shqiptarët, dyfishohet vlera e transaksioneve

14 March 2024, 10:37Biznes SHKRUAR NGA REDAKSIA VOX

Paraja elektronike tërheq gjithnjë e më shumë

Krahas parasë së gatshme dhe kartave bankare, shqiptarët po “tërhiqen” gjithnjë e më shumë në jetën e përditshme nga paraja elektronike. Por, çfarë janë transaksionet elektronike? Këto transaksione janë një formë pagese e ngjashme me pagesën me kartë bankare.

Ndryshimi qëndron në faktin se pagesat nuk kryhen përmes kartave dhe POS-eve si në rastin e sektorit bankar, por nëpërmjet infrastrukturës së institucioneve të licencuara të parasë elektronike.

Të dhënat më të fundit të Bankës së Shqipërisë tregojnë se, gjatë vitit të kaluar u kryen mbi 10,2 milionë transaksione, në një vlerë rekord prej 91,6 miliardë lekësh. Numri i pagesave ka regjistruar një rritje të qendrueshme vit pas viti. Por, vlera e tyre ka qenë në një rritje eksponenciale, ku vetëm në vitin e kaluar u dyfishua krahasuar me 2022-shin.

Gjatë vitit 2023 në tregun financiar shqiptar ushtruan aktivitetin 9 institucione të parasë elektronike, nga 7 të tilla në fund të 2021-shit. Rritja e numrit të këtyre institucioneve ka ardhur edhe si efekt i miratimit të ligjit “Për shërbimet e pagesave”. Shtimi i institucioneve të parasë elektronike ka sjellë edhe një shtrirje më të gjerë të terminaleve që ato vënë në dispozicion të klientëve.

Përdorimi i parasë elektronike sjell lehtësi kryesisht për atë pjesë të popullsisë që nuk zotëron një llogari bankare. Avantazhet konsistojnë në rritjen e fleksibilitetit për kryerjen e pagesave, duke llogaritur shtrirjen e gjerë të këtyre institucioneve në vend, por edhe në një kosto më të ulët për pagesat, sidomos për gjobat, faturat utilitare mujore etj.


Në përputhje me standarded JTI

Video

SHIKO KANALIN NE YOUTUBE
×