ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Qeveria i jep ‘OK’ marrëveshjes për emigrantët me Italinë!

15 November 2023, 14:09Politikë SHKRUAR NGA REDAKSIA VOX
Qeveria i jep ‘OK’ marrëveshjes për emigrantët me
Edi Rama/ Gerorgia Meloni

Këshilli i Ministrave i ka dhënë dritën jeshile marrëveshjes për emigrantët me Italinë.

Tashmë pritet që marrëveshja t’i kalojë kuvendit dhe të nisin diskutimet në komisionet parlamentare dhe më pas për t’u votuar.

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve.

Sipas marrëveshjes për emigrantët porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre.

Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë në muaj.

Emigrantët do të qëndrojnë në pritje të përgjigjes për azil nga autoritetet italiane në strukturën që do ndërtohet po nga italianët.

Shpenzimet do të përballohen nga Italia dhe sipas përllogaritjeve shteti fqinj do t’i paguajë vendit tonë fondin e parë në shumën 16.5 milionë eurove brenda një 3-mujori.

Kohëzgjatja e marrëveshjes do jetë 5 vjet, por mund të shtyhet automatikisht edhe me 5 vite të tjera nëse ndonjëra nga palët nuk komunikon të paktën gjashtë muaj përpara afatit të përfundimit qëllimin e saj për të mos e rinovuar këtë protokoll. Marrëveshja pritet të kalojë dhe në kuvend.


Në përputhje me standarded JTI

Video

SHIKO KANALIN NE YOUTUBE
×