ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Qëllohet me thikë 35-vjeçari në Vlorë, policia kap në male autorin (VIDEO)

29 March 2024, 19:03Aktualitet SHKRUAR NGA REDAKSIA VOX
Qëllohet me thikë 35-vjeçari në Vlorë, policia kap
Arrestimi i autorit të plagosjes

Një 35-vjeçar është qëlluar me thikë ditën e sotme në fshatin Sherishtë të Vlorës.

Policia thotë se ai është qëlluar nga një 30-vjeçar, dyshohet pas një sherri për motive banale.

Arratia e autorit nuk ka zgjatur shumë, pasi ai është lokalizuar nga forcat “Shqiponja”, dhe është arrestuar pak çaste pas ngjarjes.

Njoftimi i Policisë:

Plagosi me mjet prerës (thikë), një 35-vjeçar, si rezultat i reagimit në kohë të shërbimeve të Policisë Rrugore dhe atyre të Forcës së Posaçme “Shqiponja”, identifikohet, kapet dhe shoqërohet, 30-vjeçari. 

Rreth orës 17:00, në fshatin Sherishtë, Vlorë, dyshohet se pas një konflikti të çastit, për motive të dobëta, në vendin e quajtur “Landfilli”, shtetasi A. B., 30 vjeç, ka plagosur me mjet prerës (thikë), shtetasin E. A., 35 vjeç.

Pas marrjes së njoftimit, shërbimet e Policisë Rrugore dhe ato të Forcës së Posaçme “Shqiponja”, të DVP Vlorë, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit A. B., dhe shoqërimin e tij, në Komisariatin e Vlorës, për veprime të mëtejshme procedurale. 

Shtetasi i dëmtuar E. A. ndodhet në spitalin e Vlorës, në kujdesin e mjekëve. 

Vijon puna për dokumentimin e rrethanave të kësaj ngjarjeje.

Materialet procedurale do t’i kalojnë Prokurorisë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×