ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

KLGJ merr në mbrojtje gjyqtaren Irena Gjoka, por nuk reagon për akuzat e rënda ndaj saj!

4 March 2024, 17:04Aktualitet SHKRUAR NGA REDAKSIA VOX
KLGJ merr në mbrojtje gjyqtaren Irena Gjoka, por nuk reagon për akuzat
Gjyqtarja Irena Gjoka

Akuzat e përsëritura ndaj gjyqtares Irena Gjoka duket se kanë bërë Këshillin e Lartë Gjyqësor të reagojë ditën e sotme duke kërkuar që gjyqtarja të mos sulmohet.

Në deklaratën për mediat, KLGJ thotë se sulmet ndaj gjyqtarëve synojnë kompromentimin e pavarësisë së gjyqësorit dhe ndikojnë negativisht në besimin e publikut ndaj pushtetit gjyqësor.

Megjithatë, në reagim nuk përmenden akuzat e rënda të gazetave greke, se Gjoka është ndaluar nga shteti grek, dhe është dënuar pasi është kapur në tentativë për të hyrë me dokumente false.

Njoftimi i Këshillit të Lartë Gjyqësor:

Këshilli i Lartë Gjyqësor, si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, ka ndjekur me vëmendje zhvillimet e fundit sa i përket deklaratave publike në media nga persona publik dhe mbrojtësve të tyre në procesin penal, të cilat në përmbajtjen e tyre cënojnë rëndë figurën dhe dinjitetin e znj. Irena Gjoka, me detyrë gjyqtare pranë Gjykatës së Posaçme të Shkallës së Parë për Korrupsionin dhe Krimin e Organizuar.

Këshilli vëren me keqardhje se këto deklarime të përsëritura publike në media përbëjnë sulm ndaj gjyqtarëve për shkak të detyrës, duke synuar kompromentimin e pavarësisë së gjyqësorit, nëpërmjet përndjekjes mediatike.

Njëkohësisht, Këshilli i Lartë Gjyqësor vlerëson se këto qëndrime jo vetëm që ndikojnë negativisht në besimin e publikut ndaj pushtetit gjyqësor por edhe krijojnë imazhin e gabuar mbi veprimtarinë e gjyqtarëve gjatë ushtrimit të detyrës me synimin për t’i detyruar ata të japin vendime në kundërshtim me parimet e pavarësisë dhe paanësisë.

Gjithashtu, Këshilli i Lartë Gjyqësor thekson se avokatët në bazë të ligjit dhe kodit etik profesional, duhet të sillen me respekt, ndershmëri dhe integritet kundrejt gjykatës, në funksion të përfaqësimit të interesave të klientëve.

Këshilli i Lartë Gjyqësor fton të gjithë aktorët të respektojnë gjyqtarët dhe impenjimin e tyre në forcimin e shtetit të së drejtës, pasi dhënia e drejtësisë duhet të jetë e çliruar nga çdo lloj ndikimi apo ndërhyrjeje nga subjektet publike apo private.

Në respektim të dispozitave ligjore në fuqi, sjellim në vëmendje se mjeti ligjor për të kundërshtuar një vendim gjyqësor është ankimi në një gjykatë më të lartë.


Në përputhje me standarded JTI

Video

SHIKO KANALIN NE YOUTUBE
×