KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Italiania e bllokuar prej 3 DITËSH në shpellën e Karaburunit pa ujë e bukë, shpëtohet pas 12 orësh kërkime

4 August 2023, 17:33Aktualitet SHKRUAR NGA REDAKSIA VOX
Italiania e bllokuar prej 3 DITËSH në shpellën e Karaburunit pa
Momente nga shpëtimi i italianes


Një shtetase italiane është shpëtuar nga policia e Vlorës pas tre ditësh e bllokuar në një shpellë në gadishullun e Karaburunit.

Policia bën me dije se ishte njoftuar nga një shtetas italian, për një bashkëkombësen e tij të bllokuar në shpellë teksa po eksploronte zonën tre ditë më parë. Duket se ajo ka arritur të mbijetojë pa ujë dhe ushqim gjatë kësaj periudhe.

Janë dashur 12 orë kërkime intensive nga deti dhe toka së bashku me specialistët e zonave të mbrojtura dhe guidat turistike të zonës për të lokalizuar dhe më pas shpëtuar turisten.

Ajo ndodhet në spital jashtë rrezikut për jetën.

Njoftimi i Policisë Vlorë:

Shërbimet e Policisë, pas gati 12 orësh kërkime, gjejnë afër një shpelle në Karaburun, një turiste italiane që kishte mbetur aty, pasi e kishte të pamundur lëvizjen për shkak se i kishin mbaruar uji dhe ushqimi.

Shërbimet e Stacionit të Policisë Orikum, menjëherë pas njoftimit nga një shtetas italian, se një shtetase italiane me të cilën ai po eksploronte zonën e Karaburunit, prej 3 ditësh, kishte mbetur afër një shpelle në këtë zonë pasi e kishte të pamundur lëvizjen për shkak të mungesës së ushqimit dhe ujit, kanë shkuar në këtë zonë, bashkë me shërbimet e repartit “Delta”.

Pas gati 12 orësh kërkime, bashkë me disa specialistë të zonave të mbrojtura dhe pjesëtarë të guidave turistike që njihnin zonën, në bazë të orientimit me hartë, nga turisti italian, është bërë e mundur gjetja e shtetases italiane, në afërsi të vendit të quajtur “Qafa e Petrunës”.

Turistja italiane mori ndihmën e parë mjekësore dhe ndodhet jashtë rrezikur për jetën. Ajo ka falënderuar punonjësit e Policisë që i shkuan në ndihmë.


Në përputhje me standarded JTI

Video

SHIKO KANALIN NE YOUTUBE
×