ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Sulmi i Berishës ndaj gjyqtarëve, reagon KLGJ: Thirrjet publike për vetëgjyqësi dhe gjuha e urrejtjes e papranueshme

8 March 2023, 19:19Aktualitet SHKRUAR NGA REDAKSIA VOX
Sulmi i Berishës ndaj gjyqtarëve, reagon KLGJ: Thirrjet publike
Këshilli i Lartë Gjyqësor

Këshilli i Lartë Gjyqësor ka reaguar ashpër ndaj deklaratave të ditëve të ish-kryeministrit Sali Berisha dhe të tijëve të cilët kanë sulmuar dhe ofenduar tre gjyqtarët e Gjykatës së Apelit Administrativ Elona Mihalin, Astrit Kalanë dhe Irda Kacerja të cilët morën vendimin mbi vulën e PD-së.

KLGJ thotë se gjuha e urrejtjes kundër gjyqtarëve është shqetësuese dhe e papranueshme. Më tej shtohet se ajo që është më e rëndë janë edhe thirrjet për vetëgjyqësi apo akuzat se gjyqtarët janë të kapur, deklarata këto të përsëritura në pothuajse çdo takim nga Sali Berisha.

KLGJ i konsideron thirrjet publike ndaj gjyqtarëve kundër rendit kushtetues.

Deklarata e plotë:

Këshilli i Lartë Gjyqësor konstaton se ditët e fundit janë bërë deklarata nga persona publikë që shprehin pakënaqësi ndaj një vendimi të dhënë nga Gjykata e Apelit të Juridiksionit të Përgjithshëm.

Si organ i ngarkuar nga Kushtetuta për të garantuar pavarësinë, përgjegjshmërinë dhe mbarëvajtjen e pushtetit gjyqësor, Këshilli i Lartë Gjyqësor konstaton me keqardhje se ky nuk është një rast i izoluar i mosrespektimit të dinjitetit të gjyqtarit, një kusht i domosdoshëm për garantimin e shtetit të së drejtës.

Gjuha e urrejtjes kundër gjyqtarëve është shqetësuese dhe e papranueshme. Thirrjet publike për vetëgjyqësi, ndaj një akti të pushtetit gjyqësor, pavarësisht mos dakordësisë me të, janë haptazi kundër rendit kushtetues, mbi bazën e të cilit funksionon shteti i së drejtës.

Aludimet për “kapje” të gjyqtarëve, referojnë elementë të korrupsionit që, në mungesë të fakteve, minojnë rëndë besimin te drejtësia dhe autoritetin e pushtetit gjyqësor.

Liria e shprehjes e garantuar nga Kushtetuta e Republikës së Shqipërisë, nuk mbron në asnjë rast gjuhën e urrejtjes apo thirrjet për dhunë.

Për nga natyra e vet, veprimtaria gjyqësore shkakton pakënaqësi ndaj njërës apo tjetrës palë, por në një shtet të së drejtës, mjeti ligjor për të kundërshtuar një vendim gjyqësor është ankimi në një gjykatë më të lartë, sipas legjislacionit në fuqi, jo përbaltja e gjykatës, apo e gjyqtarit.

Po ashtu, kushdo që vjen në dijeni të një veprimtarie apo sjellje të gjyqtarit që mund të përbëjë shkelje disiplinore sipas ligjit, ka mundësinë që rastin t’ia referojë Inspektorit të Lartë të Drejtësisë, për të vlerësuar dhe vendosur nëse është vendi për fillimin e procedimit disiplinor të gjyqtarit.


Në përputhje me standarded JTI

Video

SHIKO KANALIN NE YOUTUBE
×