ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

FOTO-EMRI / Arrestohet në Greqi "vrasësi" i bandës shqiptare "Lions"

9 April 2024, 17:25Aktualitet SHKRUAR NGA REDAKSIA VOX
FOTO-EMRI / Arrestohet në Greqi "vrasësi" i bandës
Policia greke

Grupi kriminal shqiptar “Lions” me qendër në Athinë, prej disa kohësh është vënë në shënjestër të autoriteteve ligjzbatuese që akuzojnë anëtarët e saj për një sërë veprash të rënda penale.

Ky grup kriminal raportohet se është i përbërë nga shtetas shqiptarë, të cilët operojnë rreth klubit të njohur “Bellavita” në Athinë, dhe dyshohet se ka lidhje me njerëz të fuqishëm të botës së krimit brenda burgjeve greke, të akuzuar deri edhe për trafik kokaine nga Amerika Latine.

Në qendër të veprimtarisë së tyre kriminale dyshohet se është kontrolli i shpërndarjes së drogës, ruajtja e lokaleve të natës kundrejt pagesës si dhe vepra të tjera me qëllime përfitimi. Ky grup kriminal dyshohet se ka krijuar lidhje shumë të forta edhe me persona nga radhët e policisë dhe organeve të drejtësisë greke pasi edhe pse janë akuzuar për krime të rënda, kanë arritur të fitojnë lirinë duke u bërë objekt edhe i shkrimeve në mediat greke.

FOTO-EMRI / Arrestohet në Greqi "vrasësi" i bandës
Dhimitri Çiço

I tillë është edhe rasti i shqiptarit Dhimitri Çiço, një 28 vjeçar rom nga fshati Rom i Fierit. Në organet greke të drejtësisë dhe në media ai njihet si Nektarios Karakalios, një person me rrezikshmëri të lartë shoqërore, i konsideruar si një ndër personat që nuk stepet të hapië zjarr në kuadër të veprimtarisë së “Lions”.

Ditën e djeshme ai është arrestuar sërish nga policia greke i dyshuar si autor i një vrasjeje, edhe pse në harkun kohor të të paktën 13 muajve të fundit është arrestuar disa herë për vrasje, tentativa vrasjeje e vepra të tjera më të lehta, por është liruar. Dhimitri Çiço apo Nektarios Karakalios është arrestuar nga policia greke si i dyshuar për vrasjen e shtetasit afgan Bahman Rasuli, 35 vjec, ngjarje e ndodhur në 8 mars 2024 në Athinë. Sipas policisë greke, ngjarja ka ndodhur pas një përplasjeje mes një grupi prej 7 shqiptarësh me 6 afganë.

Çiço dyshohet se ka hapur zjarr ndaj afganëve fillimisht duke mos lënduar askënd dhe sapo këta te fundit i janë sulur grupit të shqiptarve, 28 vjecari shqiptar ka shtënë sërish duke vrarë Bahman Rasulin. Pas hetimit rreth 1 mujor të ngjarjes, policia greke ka arritur të identifikojë të 7 shqiptarët e përfshirë në ngjarje në role të ndryshme. Konkretisht ata janë Bledi Alushi, 19 vjeç nga fshati Rom i Fierit, Akil Topi, 36 vjec nga Elbasani, Spiro Alushi, 23 vjec, Thanas Alushi, 25 vjec, Skerdi Dragoti, 24 vjec dhe Anxhelo Cenkaj, 18 vjec. Të gjithë të dyshuarit janë arrestuar përvec shtetasit Akil Topi i cili vazhdon të jetë person në kërkim.


Në përputhje me standarded JTI

Video

SHIKO KANALIN NE YOUTUBE
×