ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Gazetari Adriatik Doçi nxjerr fatura të reja të Zotos për qëndrimin e hoteleve të Ahmetajt

12 December 2022, 21:26Aktualitet SHKRUAR NGA REDAKSIA VOX
 
Gazetari Adriatik Doçi nxjerr fatura të reja të Zotos për
Adriatik Doçi

Gazetari Adriatik Doçi ka publikuar ditën e sotme të tjera udhëtime luksoze të ish-zv.kryeministrit Arben Ahmetaj.

I ftuar në emisionin “Top Story”, ai tha se bëhet fjalë për dy udhëtime në vitin 2015, ku njëri prej tyre është në një zonë turistike bregdetare të Francës, me kosto 3500 euro dhe një udhëtim tjetër me 2 mijë euro nata.

"Nuk janë vetëm ato sponsorizime. Sot kam marrë të dhëna të tjera për udhëtime të tjera që kapin vlera 2 mijë e 500 euro për prenotime, herë vetëm herë me bashkëjetuese. Më 13 gusht 2015, Zoto bën pagesë 3 mijë e 500 për një hotel për Arben Ahmetajn në Francë në bregdet. Ndër më të shtrenjtët në të gjithë Francën. Edhe 11 tetor 2016 në hotelin në Frankfurt të Gjermanisë, pagesat këtu shkojnë nga 300 euro deri në 2 mijë euro nata", theksoi Doçi.

“Ditët e fundit ka ndodhur një gjë shumë e rëndë. Bazuar në faktet që unë kisha në dorë disa ditë para se të mbylleshin hetimet, unë konstatova se do të shkonin për dënim një grup njerëzish të cilët rrezikojnë të dënohen për kokën e inceneratorëve. Ai është marrë dhe hetuar, por janë fshehur e manipuluar provat për të goditur personazhin dytësor, për të shpëtuar ‘kokën’ e kësaj afere të pretenduar korruptuar.

Më 14 prill 2014, Arben Ahmetaj ka firmosur në cilësinë e ish-ministrit të Ekonomisë ka dhënë dakordësinë për koncesionin e inceneratorëve. Dy vite më vonë është emëruar ministër Financash për të zgjedhur qesen. Nga 2014-2017 që përkon me procedurën e dhënies me koncesion të inceneratorëve, Arben Ahmetaj është financuar nga Klodian Zoto. Zoto është pronar i kompanisë që ka fituar këtë koncesion. Ai paguan hotele, largimin nga Shqipëria udhëtime dhe frekuentime 5 yje Arben Ahmetajt dhe bashkëjetueses së tij. Kemi një financim korruptiv të përfituesit të parave publike dhe zyrtarit Arben Ahmetaj. Janë me dhjetëra pagesa të kryera me kartën e kreditit që sponsorizon udhëtimet e luksit të Arben Ahmetajt si në Bukuresht, në Paris, në Vjenë dhe janë në vlera disa mijëra euro.

Nuk janë vetëm ato sponsorizime. Sot kam marrë të dhëna të tjera për udhëtime të tjera që kapin vlera 2 mijë e 500 euro për prenotime, herë vetëm herë me bashkëjetuese. Më 13 gusht 2015, Zoto bën pagesë 3 mijë e 500 për një hotel për Arben Ahmetajn në Francë në bregdet. Ndër më të shtrenjtët në të gjithë Francën. Edhe 11 tetor 2016 në hotelin në Frankfurt të Gjermanisë, pagesat këtu shkojnë nga 300 euro deri në 2 mijë euro nata.

Faktet që mua më ranë në dorë mund t’i publikoja kudo, por jam bindur për implikim, si Lefter Koka Alqi Bllako dhe persona të tjerë. Nuk ka prova që paratë kanë shkuar në xhepat e këtyre, por paratë e Zotos kanë shkuar për Ahmetajn. Këto prova kanë dalë nga kompjuteri dhe telefoni i Klodian Zotos. Këto e-maile janë gjetur në ato kompjutera. Kur janë parë nga prokurorët, si ka mundësi nuk është hetuar.  Dosja e inceneratorëve është ndarë në 4 degë, Arben Ahmetaj nuk është përmendur”, tha Doçi në Top Story.

Ndërsa, gazetarja Anila Hoxha deklaroi se janë shumë shkresa të firmosura nga Arben Ahmetaj dhe dy prokurorët e SPAK, Ened Nakuçi dhe Klodian Braho minimalisht duhet ta merrnin në pyetje, por as këtë gjë nuk e bënë.


Në përputhje me standarded JTI

Video

SHIKO KANALIN NE YOUTUBE
×