KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Dhunoi dhe kërcënoi dy motrat dhe babanë me thikë, arrestohet 30-vjeçari!

17 April 2022, 13:53Aktualitet SHKRUAR NGA REDAKSIA VOX
Dhunoi dhe kërcënoi dy motrat dhe babanë me thikë,
Një 30-vjeçar në Tiranë është vënë në pranga pasi ka dhunuar dhe kërcënuar tre anëtarë të familjes së tij

Një 30-vjeçar në Tiranë është vënë në pranga pasi ka dhunuar dhe kërcënuar tre anëtarë të familjes së tij. Bëhet e ditur se 30-vjeçari Armir Lleshi u vu në pranga pasi kishte ushtruar dhunë fizike ndaj dy motrave dhe të atit. Po ashtu, 30-vjeçari i kishte kërcënuar familjarët e tij me thikë.

Thika u sekuestrua ndërsa policia veproi pasi kallëzimit të një prej motrave të autorit. Ajo ka deklaruar në polici se i vëllai ushtronte dhunë fizike në mënyrë të vazhdueshme ndaj saj, dhe familjarëve. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale. 

Njoftimi i policisë

Parandalohet një ngjarje e mundshme kriminale në familje. Ushtroi dhunë fizike ndaj dy motrave e babait të tij, dhe i kanosi ato me mjet prerës (thikë), arrestohet në flagrancë 30-vjeçari. Sekuestrohet mjeti prerës (thika), i përdorur për kanosjen.

Specialistët e Seksionit për Hetimin e Krimeve në Komisariatin e Policisë Nr. 6, pas kallëzimit të marrë nga shtetasja Z. T., se vëllai i saj ushtronte dhunë fizike në mënyrë të vazhdueshme ndaj saj, dhe familjarëve, si dhe i kishte kanosur ato me mjet prerës (thikë), menjëherë kanë organizuar punën, duke kapur dhe shoqëruar në ambientet e Policisë, vëllain e saj, shtetasin A. Ll.

Në vijim të veprimeve hetimore, u arrestua në flagrancë shtetasi A. Ll., pasi dyshohet se në mënyrë të vazhdueshme, ka ushtruar dhunë fizike dhe psikologjike ndaj dy motrave dhe babait të tyre, dhe i ka kanosur dhe kërcënuar ato me mjet prerës thikë.

Në cilësinë e proves materiale u sekuestrua mjeti prerës (thikë). Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.


Në përputhje me standarded JTI

Video

SHIKO KANALIN NE YOUTUBE
×