ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ahmetaj shkeli ligjin me 10 mijë euro udhëtime “dhuratë”, pse nuk u hetua nga SPAK dhe ILDKPI?

18 December 2022, 21:29Aktualitet SHKRUAR NGA REDAKSIA VOX
Ahmetaj shkeli ligjin me 10 mijë euro udhëtime
Ahmetaj shkeli ligjin me “dhuratat”, nuk ka deklaruar pagesat e hoteleve nga Klodian Zoto

Arben Ahmetajt iu paguan ndër vite të ndryshme nga Klodian Zoto udhëtime të shtrenjta dhe akomodime në hotele luksoze, por të gjitha këto ai i fshehu dhe nuk i deklaroi në deklaratat vjetore të pasurisë.

Një veprim i tillë i kryer nga ish-funksionari është vepër penale, dhe i dënueshëm nga ligji për akuzën e deklarimit të rremë, për të cilin në SPAK aktualisht janë nën hetim 20 gjyqtarë e prokurorë të shkarkuar.

Por megjithëse provat vërtetojnë se si nga viti 2013 e në vazhdim ish ministrit të Financave e po ashtu ish-zv.kryeministrit iu paguan përmbi 10 mijë euro udhëtime nga i akuzuari i inceneratorëve, ai nuk i ka deklaruar ato në formularët e detyrueshëm vjetorë.

Nuk dihet ende se përse nga viti 2013 e në vazhdim ILDKPI i ka konsideruar të rregullt këto formularë për të cilët burimet i sqarojnë TCH se ish-ministri ka pasur lidhje të ngushta me familjarë të krerëve të këtij institucioni, duke mundësuar në këtë mënyrë edhe fshehjen e pasurive dhe dhuratave.

Këto të fundit në përmbushje të rregullores mbi etikën të miratuar nga qeveria Rama duhet të ishin deklaruar nga ministri Ahmetaj, i cili ka fshehur dhurata si pagimi i hoteleve super të shtrenjta në Milano dhe Austri.

Që të gjitha të vërtetuara, por që nuk i pa as SPAK dhe as ILDKPKI, që është Inspektoriati i Lartë i Deklarimit dhe Kontrollit të Pasurive dhe Konfliktit të Interesave.

Ish-ministri Ahmetaj nuk u hetua nga SPAK as për korrupsionin e dyshuar përderisa shfaqet në e-maile si i paguar nga Klodian Zoto dhe as për fshehje të pasurisë e deklarim të rremë. Aq më tepër që rankohet si ministri me pasuri 320 milionëshe, dhe si ministri më i pasur i kabinetit Rama./TCH

 


Në përputhje me standarded JTI

Video

SHIKO KANALIN NE YOUTUBE
×