LETËR E HAPME/ Ejani në dialog të më dëgjoni si flas, ndryshe ju preva bursat, ju kalba në burg. Ju lutem!

 Kliko këtu për të tjera
Voxpress:

“Të gjithë jemi Erjon Vishkulli”, të rinjtë solidarizohen me 28-vjeçarin e plagosur në sy gjatë protestës

25 October 2026, 16:54Aktualitet SHKRUAR NGA REDAKSIA VOX

“Të gjithë jemi Erjon Vishkulli”, të rinjtë

“Të gjithë jemi Erjon Vishkulli” është mesazhi që të rinjtë kanë përcjellë përmes bluzave të tyre gjatë protestës së sotme përpara Kryeministrisë në Tiranë, në shenjë solidariteti me 28-vjeçarin që u plagos rëndë në sy nga një plumb gome gjatë demonstratës së një dite më parë.

“Solidarizohemi me Erjon Vishkullin, që u qëllua me plumb gome në sy. Erjoni është dërguar nga familjarët dhe miqtë në Itali për trajtim më të specializuar”, u shprehën protestuesit.

Ata theksuan se plagosja e 28-vjeçarit është një tjetër arsye për të vijuar protestën, ndërsa shprehën shqetësimin për pasojat që mund të sjellë përdorimi i forcës ndaj demonstruesve.

“Erjoni sot është heroi i protestës. Sakrifikoi nga vetja për protestën. Kjo qeveri mund të na marrë edhe jetën, jo vetëm syrin”, deklaruan të rinjtë.

Plagosja e 28-vjeçarit ka shkaktuar reagime të shumta, veçanërisht pas deklaratës së kryeministrit Edi Rama se ishte angazhuar për mbulimin e shpenzimeve të trajtimit të tij jashtë vendit.

Megjithatë, motra e të riut ka deklaruar publikisht se dërgimi i tij në Itali është mundësuar nga familjarët, miqtë dhe mbështetësit, dhe jo nga shteti. Ajo ka kërkuar gjithashtu që rasti i vëllait të saj të mos përdoret për qëllime politike.

Ndërkohë, protesta studentore vijon përpara Kryeministrisë, ku pjesëmarrësit kërkojnë dorëheqjen e Edi Ramës dhe kundërshtojnë masat e reja ligjore të paralajmëruara nga qeveria për protestat e dhunshme.


Në përputhje me standarded JTI

Video

SHIKO KANALIN NE YOUTUBE
×