KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Gjithçka një kaos”, Milan sulmon VAR, i bashkohet edhe Gasperini: Ka luftë mes arbitrave

11 January 2024, 11:13Sport SHKRUAR NGA REDAKSIA VOX

“Gjithçka një kaos”, Milan sulmon VAR, i bashkohet edhe

Në shtëpinë e Milan nuk e kanë pritur mirë eliminimin nga Kupa e Italisë. Episodet që prodhoi kjo sfidë kanë detyruar të gjithë aktorët kuqezi të reagojnë fuqishëm duke sulmuar VAR. Nuk mund të qëndronte në heshtje as Giorgio Furlani: “Dy episode kushtëzuan garën. Një penallti në disfavorin tonë, ku duket qartë që mbrojtësi preku topin dhe një penallti e pa dhënë për prekje të topit me dorë nga Holm. Kemi një shije të hidhur për këtë eliminim, por edhe për mënyrën se si erdhi. Tani gjithçka është një kaos, nuk kuptohet asgjë”, u shpreh drejtuesi i Milanit pas ndeshjes.

I drejtpërdrejtë në reagimin e tij ishte edhe Stefano Pioli: “Ndeshja ndryshoi pas një penalltie të pa qenë, kjo është e vërteta. Më pas u futëm në konfuzion. Na vjen keq që eliminohemi në këtë mënyrë pasi dëshironim të bënim mirë në Kupë”, u shpreh Pioli. Protestave të Milanit iu bashkua edhe Rafa Leao i cili në rrjetet sociale ri solli momentin e penalltisë të fituar nga Atalanta: “E pabesueshme”, shkruan Leao në video.

“Gjithçka një kaos”, Milan sulmon VAR, i bashkohet edhe

Jo vetëm te Milani, edhe trajneri Gasperini ka pakënaqësi për mënyrën se si arbitri i ndeshjes menaxhoi këtë përballje: “VAR është një instrument i shkëlqyer, por në fushë është një luftë, ka konkurrencë mes arbitrave në fushë dhe atyre në VAR, nuk kuptohet më se kush arbitron, është një problem shumë i madh”, theksoi Gaspetini i cili u ndëshkua me karton të kuq për protesta.

Milan ka humbur mbrëmë në shtëpi nga Atalanta me rezultat 1-2 në kuadër të çerekfinales së Kupës së Italisë. Pjesa e parë deri në kohën shtesë ishte e qetë, por në minutat e fundit shpërtheu gjithçka në San Siro. Zhvillohej minuta e 45-të, kur Theo Hernandez asistoi te Rafael Leao i cili nga brenda zonës shënoi për Milanin. Por pas dy minutash, në minutën e dytë shtesë, Teun Koopmeiners shënon duke barazuar rezultatin në 1-1. Pjesa e dytë nisi me hov nga të dyja palët, që kishin raste, por ishin mysafirët ata që shënuan. Zhvillohej minuta e 57-të, kur Atalanta fitoi penallti, ndërsa nga pika e bardhë ishte e saktë Koopmeiners duke çuar në rezultatin 1-2 si dhe përfundimin e këtij takimi me këtë rezultat.  Me këtë fitore Atalanta kaloi në gjysmëfinale ku do të takohet me Fiorentinën.


Në përputhje me standarded JTI

Video

SHIKO KANALIN NE YOUTUBE
×