ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Është gjyq politik, kurrë nuk do ndalem”, Kryemadhi: Do përballem me drejtësinë pa asnjë hezitim

21 October 2024, 17:07Politikë SHKRUAR NGA REDAKSIA VOX
“Është gjyq politik, kurrë nuk do ndalem”, Kryemadhi:
Monika Kryemadhi

Ish-kryetarja e LSI-së, Monika Kryemadhi ka reaguar sërish pas aksionit të SPAK që çoi në pranga ish-bashkëshortin e saj, Ilir Meta si dhe e la atë në detyrim paraqitje me akuzat e korrupsionit, pastrimit të parave dhe fshehjes së pasurisë.

Kryemadhi akuzon drejtësinë si të kapur nga kryeministri Edi Rama dhe thotë se nuk do të ndalet pavarësisht “gjyqit politik” ndaj saj.

Pamjet e arrestimit të ish-bashkëshortit të saj, Ilir Meta, Kryemadhi i komenton si “të shëmtuara dhe çnjerëzore”.

Ajo, në fund të reagimit, thotë se do të përballet me drejtësinë pa asnjë hezitim.

Reagimi i plotë i Kryemadhit:

Të dashur qytetarë shqiptarë, miq dhe dashamirës të opozitës shqiptare dhe të familjes tonë.

Ju falenderoj përzemërsisht për të gjitha mesazhet e solidaritetit gjatë kësaj paradite.

Vetëm para pak minutash më është vënë në dispozicion fermani i gjykatës politike të Edi Ramës. Dhjetra faqe me fjali boshe për të justifikuar akuzat e rreme të disa kallëzuesve shpifarakë, atentatorë në tentativë për të vrarë aksionin e opozitës shqiptare në tërësi.

Krimet mostruoze transnacionale të Edi Ramës dhe miqve të tij, përdorues të rregullt të SKY dhe ECC, nuk mund të amnistohen me pamjet e shëmtuara të ndalimit çnjerëzor të ish-Presidentit të Shqipërisë në mes të rrugës.

Vjedhjet shtetërore mafioze si ajo e inceneratorëve që vazhdojnë përditë dhe në çdo sektor, nuk lahen dot me gjyqet publike që mund ti bëjnë drejtuesve të opozitës shqiptare, përmes procesve gjyqësore pa prova dhe pa fakte.

Krimet e disa prokurorëve të prokurorisë speciale, që nuk guxojnë të përmendin emrat Edi Rama dhe Erion Veliaj, duke i amnistuar dhe duke ju nënshtruar pushtetit në kundërshtim me rolin e tyre ligjor si prokurorë të Republikës, kur Rama e Veliaj krimet i kanë kryer dhe i kryejnë duke lënë gjurmë në shkresa shtetërore, nuk mund të amnistohen edhe nëse zyrtarët-ushtarë të drejtësisë ngrejnë akuza politike ndaj çdo deputeti të opozitës në Kuvend, apo drejtuesi partie opozitare.

Ju siguroj se, pavarësisht të gjithë gjyqit politik dhe publik, unë kurrë nuk do të ndalem. Ju konfirmoj se po, gjykata politike e Edi Ramës ka marrë për mua vendimin për detyrim paraqitje. Kam udhëzuar ekipin e mbrojtësve të mi ligjir për të demontuar këtë farsë në çdo gjykatë brenda dhe jashtë vendim. Si kam deklaruar dhe më parë do të përballem me drejtësinë pa asnjë hezitim me të vërtetën time dhe procedurat ligjore brenda e jashtë vendit.


Në përputhje me standarded JTI

Video

SHIKO KANALIN NE YOUTUBE
×