ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Është çështje ditësh", Ngjela parashikon fundin politik të Berishës: Amerikanët qeshin me të, iu mërzitën të afërmit

4 September 2022, 12:04Politikë SHKRUAR NGA REDAKSIA VOX
"Është çështje ditësh", Ngjela parashikon
Sali Berisha dhe Spartak Ngjela

Avokati Spartak Ngjela parashikon se fundi politik i ish-kryeministrit Sali Berisha është çështje ditësh. Përmes një postimi në rrjetet sociale, ai shkruan se kjo ka për të ndodhur në momentin kur Kuvendi do të miratojë projektligjin kundër tij.

Ngjela shton më tej se Berisha tentoi të merrte Grupin Parlamentar të Partisë Demokratike, por nuk ia arriti dhe sipas tij, kjo ka mërzitur të afërmit e tij.

Avokati shton më tej se Berisha del gjith ditën në mediat e paguara prej tij, por koha ikën dhe amerikanët qeshin me të, kurse shqiptarët i ka bezdisur sa nuk e shohin dot më me sy.

Ngjela shprehet se prej kësaj Berisha nuk fiton asgjë, por zbut marazin dhe frikën e tij të brendshme me gënjeshtrat që i llomotit ditë për ditë.

Postimi i plotë:

Sali ziu donte të merrte Grupin Parlamentar të Partisë Demokratike, por nuk...

Një "Nuk!" të fortë dhe me zë të lartë iu dha nga Grupi. "Nuk!", ka kudo për këtë njeri-gënjeshtër, por ai vijon.
Qeshin të gjithë shqiptarët e ditur me të, por ai vijon, edhe pse takohet me mohimin që i bëhet kudo. Por ai vijon...
Sepse kërkon t'u thotë amerikanëve - Shqipëria është imja.

Dhe të gjithë qeshin me teatrin e tij absurd që ditë për ditë po u thotë shqiptarëve: po vjen pushteti i tij, domethënë - Godoja.
Por Godoja e Saliut nuk dëgjon nga veshët.

Kurse përkrahësit e tij e presin Godonë me seriozitet, edhe pse janë zënë liksh prej Saliut dhe nuk kanë ku të shkojnë.
Megjithatë, ata të afërmit e tij dje u mërziten shumë, sepse Saliu nuk e mori dot grupin parlamentar, edhe pse dhëndri i tij u bëri thirrje deputetëve të Partisë Demokratike të shkonin me Saliun, duke u thënë: hajdeni te Saliu se keq do ta kishin kur të vijë Godoja. Por ata nuk e dëgjuan.

Kurse Saliu nuk po flet. Siç duket është i bindur se do t'i vijë Godoja.

Por koha po i ikën, dhe asgjë nuk ka në vijë.

Godoja nuk po duket Sali.

Por...

"Ja, ja shikoheni"! Bërtet Saliu duke shtuar: "ja, te kthesa është Godoja, priteni, se do të dalë".

Dhe koha ikën, dhe amerikanët qeshin me të, kurse shqiptarët i ka bezdisur sa nuk e shohin dot më me sy.
Por Saliu s'pyet, ai vijon përditë të mbldhë një grusht njerëzish, shumica të paguar, dhe vetëm flet.
Dhe televizionet kombëtare e transmetojnë, se paguhen, sigurisht.

Po Saliu, çfarë fiton? Asgjë nuk fiton, po zbut marazin dhe frikën e tij të brendshme me gënjeshtrat që i llomotit ditë për ditë, dhe nuk thotë asgjë.

Po si do të shkojë puna e tij?

Ja kështu, me Godonë në gojë, derisa Kuvendi i Shqipërisë të miratojë projektligjin që ka depozituar në Parlament kundër tij.
Çështje ditësh është...


Në përputhje me standarded JTI

Video

SHIKO KANALIN NE YOUTUBE
×