ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Deputetët e Berishës kërkesë Nikollës: Nuk mund të flasin nga 2.57 minuta për "Portin", na i bëj 10

23 November 2022, 15:36Politikë SHKRUAR NGA REDAKSIA VOX
Deputetët e Berishës kërkesë Nikollës: Nuk mund të
Kuvendi

18 deputetë të opozitës i janë drejtuar me një shkresë kryetares së parlamentit Lindita Nikolla, ku i kërkojnë ndryshimin e rendit të ditës për seancën e nesërme plenare ku do të diskutohet për projekt 2 miliardë dollarë të portit të Durrësit, e cila po konsiderohet si një aferë korruptive.

18 deputetët kërkojnë që të hiqet limiti kohor prej 6 orësh dhe se çdo deputeti t'i jepet e drejta të flasë 10 minuta në lidhje me këtë çështje.

Në kërkesë thuhet se është i nevojshëm një debat të i plotë publik duke i mundësuar çdo deputeti të shprehet në lidhje me këtë çështje të një rëndësie kombëtare.

Kjo kërkesa vjen, pasi një pjesë e mirë e deputetëve të Berishës nuk janë në grupe parlamentare dhe e kanë kohën në Kuvend të limituar.

KËRKESA:

REPUBLIKA E SHQIPËRISË
KUVENDI
Zonja Kryetare,
Tiranë, më 23.11.2022
Kërkese për ndryshimin e kohës së debatit për pikën 4 të rendit të ditës së seancës plenare datë 24.11.2022
Drejtuar: Znj. Lindita NIKOLLA
KRYETARE E KUVENDIT TË SHQIPËRISË

Sikurse është bërë e ditur përmes Urdhërit Nr. 88, dt 22.11.2022, dhe Njoftimit për Rendin e Ditës, për pikën Nr. 4, Projektligj "Për miratimin e Marrëveshjes Kuadër, ndërmjet Këshillit të Ministrave të Republikës së Shqipërisë dhe Eagle Hills Real Estate Development, Albanian Seaports Development Company, Sh.A. dhe Nshmi Development L.L.C, në lidhje me Projektin e Investimit strategjiik "MARINA & JAHTET E DURRËSIT”, është përcaktuar një limit kohor jo më shumë se 6 orë. Në një përllogaritje të thjeshtë, për cdo deputet është planifikuar një kohë prej 2,57 minuta. Port i Durrësit është një nga pasuritë më të mëdha të Shqipërisë. Me pozitën gjeografike ky Port është i rëndësie strategjike jo vetëm për Shqipërinë por edhe për rajonin. Bashkimi Europian, përmes Komunitetit të Transportit ka vlerësuar së fundmi, se Porti i Durrësit në Shqipëri dhe Porti i Tivarit në Malin e Zi kanë rëndësi strategjike për transportin detar në rajon pasi e lidhin atë me rrjetin kryesor Europian të transportit. Duke qenë e një rëndësie të tille, përtej faktit që nuk ka asnjë emergjencë kombëtare për ta kaluar në mënyrë të përshpejtuar, në asnjë MËNYRË NUK MUND TË ÇMOHET shkurtimi i kohës së diskutimit, duke përdorur Nenin 48, Pika 3, që është përjashtim kufizues. Por e kundërta, është i nevojshëm një debat të i plotë publik duke i mundësuar çdo deputeti të shprehet në lidhje me këtë çështje të një rëndësie kombëtare. Ndaj bazuar në Nenin 48 të Rregullores së Kuvendit

KËRKOJMË

Ndryshimin e rendit të ditës së seancës plenare si më poshtë vijon:
1. Të hiqet limiti kohor prej 6 orës në pikën 4 të Rendit të ditës,
2. Çdo deputeti t'i jepet e drejta të flasë 10 minuta në lidhje me këtë çështje,
sic Rregullorja e Kuvendit përcakton.
Duke ju falenderuar për bashkëpunimin.

ZYRA E SHTYPIT DHE KOMUNIKIMIT, PARTIA DEMOKRATIKE

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×