KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

ADN-ja e lashtë zbulon sekretet që fsheh Pompei

27 May 2022, 19:38Lifestyle SHKRUAR NGA REDAKSIA VOX

ADN-ja e lashtë zbulon sekretet që fsheh Pompei

Studiuesit që po analizojnë mbetjet njerëzore në Pompei kanë zbuluar sekrete gjenetike nga eshtrat e një burri dhe një gruaje që u varrosën nga hiri vullkanik bashkë me qytetin romak.

Ky është "gjenomi njerëzor Pompeian i parë" dhe është një grup pothuajse i plotë i “i gjurmëve gjenetike" nga viktimat të koduara në ADN-në e nxjerrë nga kockat e tyre.

ADN-ja është ruajtur nga trupat e mbuluar nga hiri i ngurtësuar vullkanik. Eshtrat e dy personave të parë, një burri dhe një gruaje u zbuluan për herë të parë në vitin 1933, në atë që arkeologët e Pompeit e kanë quajtur Casa del Fabbro, ose Shtëpia e Zejtarit.

Arkeologët zbuluan se ata janë shtrirë në cep të dhomës së ngrënies, pothuajse sikur po hanin drekë kur ndodhi shpërthimi, më 24 gusht 79 pas Krishtit. Një studim i fundit sugjeroi se reja e madhe e hirit nga shpërthimi i malit Vezuv mund të ishte bërë vdekjeprurëse për banorët e qytetit në më pak se 20 minuta.

Dy viktimat që studiuan studiuesit, sipas antropologes Dr Serena Viva nga Universiteti i Salentos, nuk janë përpjekur që të arratisen.

"Nga pozicioni [e trupave të tyre] duket se ata nuk po largoheshin”, tha Dr Viva për Inside Science të BBC Radio 4. "Përgjigja se pse ata nuk po iknin mund të qëndrojë te kushtet e tyre shëndetësore."

Si ruajtja e jashtëzakonshme ashtu edhe teknologjia më e fundit laboratorike i lejuan shkencëtarët të nxjerrin një pjesë të madhe të informacionit nga një "sasi vërtet e vogël pluhuri kockash", siç shpjeguan shkencëtarët. Teknologjitë reja të sekuencave mund të lexojnë disa gjenome të tëra në të njëjtën kohë.

Studimi gjenetik zbuloi se skeleti i burrit përmbante ADN nga bakteret që shkaktojnë tuberkulozin, duke sugjeruar se ai mund të kishte pasur këtë sëmundje përpara vdekjes së tij dhe një fragment kocke në bazën e kafkës së tij përmbante mjaftueshëm ADN të paprekur për të përpunuar të gjithë kodin e tij gjenetik.

Kjo tregoi se ai ndante "shënues gjenetikë" - ose pika referimi të njohura në kodin e tij gjenetik - me individë të tjerë që jetuan në Itali gjatë epokës perandorake romake. Por ai gjithashtu kishte një grup gjenesh që gjenden zakonisht në ato nga ishulli i Sardenjës, gjë që sugjeronte se mund të kishte pasur nivele të larta të diversitetit gjenetik në të gjithë Gadishullin Italian në atë kohë.

 


Në përputhje me standarded JTI

Video

SHIKO KANALIN NE YOUTUBE
×