ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shkarkohet ministrja franceze që shkaktoi polemika me intervistën për ‘Playboy’

21 July 2023, 13:23Kosova&Bota SHKRUAR NGA REDAKSIA VOX

Shkarkohet ministrja franceze që shkaktoi polemika me intervistën

Ministrja për Ekonominë Sociale e Solidaritetin është shkarkuar nga qeveria franceze pas më shumë se gjashtë vjetësh në detyrë, mes polemikave mbi keqmenaxhimin e supozuar të saj të një fondi publik të krijuar për të luftuar ‘ekstremizmin’.

Marlene Schiappa, e cila bëri bujë në prill pasi pozoi për kopertinën e edicionit francez të revistës Playboy, mësoi për shkarkimin e saj gjatë një telefonate me presidentin Emmanuel Macron të enjten pasdite.

“Ne folëm për një kohë të gjatë, rreth tridhjetë minuta,” tha ajo për Le Monde. “Presidenti Macron më falënderoi për angazhimin tim të pandërprerë gjatë shtatë viteve të fundit.”

Paraqitja polemizuese e ish-ministres në Playboy tërhoqi kritika nga kolegët dhe kundërshtarët. Kryeministrja Elisabeth Borne e qortoi vendimin e Schiappa për të dhënë një intervistë në revistën për burra, duke e quajtur atë ‘aspak të përshtatshme’.

Kohët e fundit, Schiappa është përfshirë në një skandal mbi fondin ‘Marianne’, që u themelua me ndihmën e saj pas prerjes së kokës në vitin 2020 të mësuesit të shkollës në Paris, Samuel Paty.


Në përputhje me standarded JTI

Video

SHIKO KANALIN NE YOUTUBE
×