KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Mbreti Charles III diagnostikohet me kancer

5 February 2024, 19:20Kosova&Bota SHKRUAR NGA REDAKSIA VOX
Mbreti Charles III diagnostikohet me kancer
Mbreti Charles III i Mbretërisë së Bashkuar

Mbreti Charles III i Britanisë së Madhe është diagnostikuar me kancer, ka bërë të ditur Pallari Buckingham.

Diagnoza u zbulua së fundmi ndërsa Charles iu nënshtrua trajtimit në Klinikën e Londrës për një prostatë beninje të zmadhuar.

Në një deklaratë, Pallati Buckingham tha: “Gjatë procedurës së fundit spitalore të mbretit për zgjerimin beninj të prostatës, u vërejt një çështje e veçantë shqetësuese. Testet e mëvonshme diagnostikuese kanë identifikuar një formë kanceri.

“Madhëria e tij ka filluar sot një orar të mjekimeve të rregullta, kohë gjatë së cilës ai është këshilluar nga mjekët që të shtyjë detyrat me publikun. Gjatë gjithë kësaj periudhe, madhëria e tij do të vazhdojë të merret me punët shtetërore dhe dokumentet zyrtare si zakonisht”, thuhet më tej në njoftim.

“Mbreti është mirënjohës ndaj ekipit të tij mjekësor për ndërhyrjen e tyre të shpejtë, e cila u bë e mundur falë procedurës së tij të fundit në spital. Ai mbetet plotësisht pozitiv për trajtimin e tij dhe pret që të kthehet në detyrën e plotë publike sa më shpejt të jetë e mundur.

Madhështia e tij ka zgjedhur të ndajë diagnozën e tij për të parandaluar spekulimet dhe me shpresën se mund të ndihmojë në mirëkuptimin publik për të gjithë ata në mbarë botën që janë të prekur nga kanceri”, shton njoftimi.

Pallati Buckingham nuk ka dhënë detaje të mëtejshme në këtë fazë.

Kuptohet se diagnoza nuk është e kancerit të prostatës, siç disa mund të kenë supozuar gabimisht në dritën e diagnozës së tij të veçantë të zgjerimit beninj të prostatës.

Mbreti është kthyer në Londër nga Sandringham këtë mëngjes për të filluar trajtimin si pacient i jashtëm.

​


Në përputhje me standarded JTI

Video

SHIKO KANALIN NE YOUTUBE
×