ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Krizë në Manastirin e Shën Katerinës në Sinai, kryepeshkopi Damianos kërkon mbrojtje nga Greqia dhe Egjipti: Jeta ime është në rrezik

27 August 2025, 20:31Kosova&Bota SHKRUAR NGA REDAKSIA VOX
Krizë në Manastirin e Shën Katerinës në Sinai,
Kryepeshkopi i Manastirit të Shën Katerinës në malin Sinai, Damianos

Kryepeshkopi i Manastirit të Shën Katerinës në malin Sinai, Damianos, ka deklaruar publikisht se jeta e tij ndodhet në rrezik.

Përmes një mesazhi të regjistruar në video, 90-vjeçari kërkoi mbrojtje nga qeveria e Greqisë dhe e Egjiptit, për shkak të tensioneve të krijuara brenda manastirit.

Sipas medias greke To Vima, Damianos ka akuzuar një grup prej dhjetë murgjish si “puçistë”, të cilët, sipas tij, u përpoqën të pushtonin hapësirat e manastirit dhe ushtruan dhunë ndaj tij. Me ndihmën e beduinëve, Kryepeshkopi tha se arriti t’i largonte ata sërish nga vendi i shenjtë.

Akuza të ndërsjella

Nga ana tjetër, murgjit e përjashtuar hedhin poshtë akuzat e Damianos. Ata kanë publikuar në një faqe të re në internet versionin e tyre për ngjarjet, duke pretenduar se bashkëpunëtorët e Kryepeshkopit kanë thyer dyert e dhomave dhe i kanë detyruar ata të largoheshin. Sipas tyre, gjithçka është regjistruar në video nga një prej murgjve.

Kriza kulmoi kur 15 murgj u mblodhën dhe votuan për shkarkimin e Damianos nga posti i Kryepeshkopit të Sinait. Ky vendim, megjithatë, është vënë në pikëpyetje, pasi nuk mori pjesë as vetë Kryepeshkopi dhe as përfaqësuesi i tij zyrtar, ndërkohë që rregullorja e manastirit kërkon praninë e dy të tretave të murgjve për një vendimmarrje të vlefshme.

Përplasja kanonike dhe roli i Patriarkanës së Jeruzalemit

Murgjit që kundërshtojnë Damianos kanë njoftuar Patriarkun e Jeruzalemit, Theofilo, për shkarkimin e tij. Vetë Kryepeshkopi, nga ana tjetër, i është drejtuar Patriarkanës duke denoncuar veprimet e tyre si të paligjshme.

Patriarku Theofilo iu përgjigj vetëm Damianós, duke e interpretuar letrën e tij si një kërkesë që Patriarkana të marrë më shumë përgjegjësi mbi çështjen e manastirit. Ai ka njoftuar dërgimin e një delegacioni në Athinë, të kryesuar nga Kryepeshkopi i Kostandinës, Aristarchos, për të diskutuar mbi gjendjen në Sinai.

Një manastir unik dhe i brishtë

Manastiri i Shën Katerinës është një nga më të vjetrit në botën ortodokse dhe ka një status të veçantë kanonik. Kryepeshkopi i Sinait gëzon pavarësi të plotë kishtare, megjithatë tradicionalisht shugurohet nga Patriarku i Jeruzalemit. Situata e tanishme ka krijuar një precedent të ndërlikuar, duke ngritur pyetje për legjitimitetin e vendimeve të marra brenda manastirit dhe rolin e autoriteteve kishtare më të larta.


Në përputhje me standarded JTI

Video

SHIKO KANALIN NE YOUTUBE
×