ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Johnson i përgjigjet Rusisë: Aspirata e Ukrainës për anëtarësim në NATO nuk negociohet

14 February 2022, 17:01Kosova&Bota SHKRUAR NGA REDAKSIA VOX

Johnson i përgjigjet Rusisë: Aspirata e Ukrainës për

Kryeministri i Britanisë së Madhe, Boris Johnson, i bën thirrje Vladimir Putinit të tërhiqet nga humnera duke e quajtur situatën shumë të rrezikshme nëse Rusia planifikon pushtimin e Ukrainës në 48 orët e ardhshme.

”Situata është shumë e rrezikshme dhe e vështirë, ne jemi në buzë të greminës, por ka ende kohë që presidenti Putin të tërhiqet”, theksoi Boris Johnson.

“E drejta sovrane” e popullit ukrainas për të aspiruar anëtarësimin në NATO nuk mund të bëhet objekt negociatash, u shpreh më tej kryeministri i Britanisë së Madhe.

Kjo deklaratë vjen pasi zëdhënësi i Kremlinit, Dimitry Peskov, tha që, nëse Ukraina refuzonte “idenë e bashkimit me NATO-n”, atëherë “do të kontribuonte ndjeshëm në formulimin e një përgjigje shumë më kuptimplotë ndaj shqetësimeve të Rusisë”. Komenti i Peskov, u bë në përgjigje të deklaratës së bërë nga ambasadori ukrainas në Londër, përgjatë fundjavës.

Ambasadori Vadym Prystaiko, la të kuptohej se vendi i tij, mund të merrte në konsideratë që të hiqte dorë nga ambiciet për t’u bashkuar me Organizatën e Traktatit të Atlantikut Verior, për të shmangur luftën.

Të hënën, Prystaiko sqaroi komentin e tij dhe tha se Ukraina është “gati për shumë lëshime”, por shtoi se ato “nuk kanë lidhje fare me NATO-n, që është e sanksionuar në Kushtetutën e vendit”.

Boris Johnson tha gjithashtu se “Europa duhet të nxjerrë nga trupi i saj gazsjellësin Nord Stream” dhe të kërkojë alternativa të tjera burimi energjie, në mënyrë që ta ndëshkojë ashpër ekonomikisht Rusinë, nëse ajo pushton Ukrainën.


Në përputhje me standarded JTI

Video

SHIKO KANALIN NE YOUTUBE
×