ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Heqja e dinarit serb, Kosova dhe Serbia ballafaqohen sot në Bruksel

27 February 2024, 08:09Kosova&Bota SHKRUAR NGA REDAKSIA VOX

Heqja e dinarit serb, Kosova dhe Serbia ballafaqohen sot në Bruksel

Në Bruksel do të mbahet sot takimi mes Kosovës dhe Serbisë për heqjen e dinarit serb. Takimi ndërmjetësohet nga Bashkimi Europian dhe i pranishëm do të jetë edhe ndërmjetësi i BE-së Miroslav Lajçak në Bruksel.

Kosova do të përfaqësohet në këtë takim nga guvernatori i Bankës Qendrore të Kosovës, Ahmet Ismaili.  Ditë më parë, zëvendëskryeministri Besnik Bislimi, ka bërë të ditur se nuk do të shkojë në këtë takim duke deklaruar se “çështja e dinarit s’është pjesë e dialogut”.

Nga ana tjetër Serbia do të përfaqësohet nga kryenegociatori për dialog me Kosovën, Petar Petkoviç.

Që nga 1 shkurti ka hyrë në fuqi Rregullorja re e Bankës Qendrore për Kosovën, ku pagesat kryhen vetëm me euro dhe dinari serb është hequr. Bashkimi Evropian po kërkon që çështja e ndalimit të dinarit serb të zgjidhet përmes dialogut.

Shtetet e Bashkuara, ndërkaq, po kërkojnë që Kosova të shtyjë zbatimin e këtij vendimi, pasi ka argumentuar se ai është marrë pa konsultime paraprake dhe pa pasur për bazë ndikimet negative te popullata serbe në Kosovë.


Në përputhje me standarded JTI

Video

SHIKO KANALIN NE YOUTUBE
×