ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Donald Trump emëron një besnik pa përvojë në krye të Inteligjencës Kombëtare

2 June 2026, 17:59Kosova&Bota SHKRUAR NGA REDAKSIA VOX

Donald Trump emëron një besnik pa përvojë në krye

Presidenti i Shteteve të Bashkuara, Donald Trump, ka emëruar Bill Pulte, drejtuesin e Agjencisë Federale të Financimit të Banesave (FHFA), në detyrën e drejtorit të përkohshëm të Inteligjencës Kombëtare (DNI), një lëvizje që sipas raportimit të New York Times pritet të shkaktojë reagime dhe kundërshtime në Washington.

Njoftimi u bë nga vetë Trump përmes platformës Truth Social, duke konfirmuar se Pulte do të marrë përkohësisht detyrën e mbajtur deri tani nga Tulsi Gabbard.

Sipas gazetës amerikane, Pulte nuk ka përvojë të njohur në fushën e sigurisë kombëtare apo të inteligjencës, por konsiderohet një nga besnikët më të afërt të presidentit.

“Bill Pulte është një besnik i pastër i Trump-it, i cili ka punuar për t’u afruar me presidentin”, shkruan New York Times, duke cituar zyrtarë të administratës sipas të cilëve ai komunikon drejtpërdrejt me Trump-in.

Pulte do të vazhdojë paralelisht edhe detyrën e tij aktuale në krye të FHFA-së, si dhe postin e kryetarit të institucioneve financiare Fannie Mae dhe Freddie Mac.

Sipas raportimit, emërimi mund të jetë i përkohshëm dhe ende nuk është e qartë nëse Trump do ta propozojë zyrtarisht Pulte për konfirmim nga Senati në këtë post.

Lëvizja vjen në një moment kur presidenti amerikan po kërkon kontroll më të madh mbi strukturat federale dhe po shton presionin ndaj institucioneve që, sipas tij, nuk kanë vepruar mjaftueshëm shpejt për të zbuluar informacionet që ai kërkon.

“Trump dhe disa nga aleatët e tij janë ankuar se ekipi aktual nuk ka vepruar me shpejtësinë e nevojshme për të gjetur materiale me interes politik për presidentin brenda qeverisë”, raporton New York Times.

Gazeta kujton gjithashtu se Pulte është përfshirë në disa episode që kanë tërhequr vëmendje publike gjatë muajve të fundit, përfshirë një përplasje me Sekretarin e Thesarit, Scott Bessent, si dhe kërkesat e tij për ndjekje penale ndaj personave që Trump i konsideron kundërshtarë politikë.


Në përputhje me standarded JTI

Video

SHIKO KANALIN NE YOUTUBE
×