ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Elisa Spiropali kërkoi drejtimin e Qeverisë për 100 ditë? Mesazhi u shkoi 140 deputetëve, ish-ministrja: Nuk e kam dërguar unë atë e-mail

17 October 2026, 13:00Politikë SHKRUAR NGA REDAKSIA VOX

Elisa Spiropali kërkoi drejtimin e Qeverisë për 100 ditë?

Elisa Spiropali ka reaguar lidhur me një e-mail të mbërritur në adresat e deputetëve të Kuvendit, ku prezantohet një draft për reformë të thellë kushtetuese dhe zgjedhore, si dhe një mocion mosbesimi që parashikon marrjen e drejtimit të qeverisë prej saj.

Në një reagim për “Vizion Plus”, Spiropali ka mohuar se qëndron pas këtij e-maili, i cili u është dërguar deputetëve në emër të saj, një ditë pas letrës publike që Spiropali i drejtoi kreut të qeverisë, Edi Rama.

Në emailin në fjalë propozohet zgjerimi i Kuvendit nga 140 në 201 deputetë, vendosja e listave 100% të hapura dhe kufizimi i mandateve të deputetëve dhe kryeministrit.

Drafti përfshin gjithashtu një propozim për zgjedhjen e kryeministrit të ri me të paktën 104 vota në Kuvend, si dhe një program tranzitor 100-ditor që parashikon kalimin e drejtimit të Ekzekutivit te Spiropali.

Mesazhi u bënte thirrje deputetëve që t’i bashkoheshin nismës si bashkëpropozues, ndërsa në fund të tij figuron emri i Skerdi Shahajt.

Pas reagimit të Spiropalit për Vizion Plus, mbetet e paqartë se kush e ka hartuar dhe shpërndarë emailin, si dhe cili ka qenë qëllimi i kësaj nisme.


Në përputhje me standarded JTI

Video

SHIKO KANALIN NE YOUTUBE
×