KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Shërbimi më i mirë publik”, Blendi Gonxhe vlerësohet me çmim nga CCIT për punën në krye të DPSHTRR

19 January 2024, 21:48Biznes SHKRUAR NGA REDAKSIA VOX
“Shërbimi më i mirë publik”, Blendi Gonxhe
Blendi Gonxhe

Dhoma e Tregtisë dhe Industrisë Tiranë ka zhvilluar sonte ceremoninë e CCIT Awards në Teatrin e Operas dhe Baletit. Gjatë ceremonisë, me çmim u nderua edhe Blendi Gonxhe, si Drejtor i Përgjithshëm i Shërbimeve të Transportit Rrugor.

Tashmë, edhe falë punës së mirë në DPSHTRR, Gonxhe u emërua nga kryeministri Edi Rama si ministër i Ekonomisë, Kulturës dhe Inovacionit.

Gonxhe falënderoi Dhomën e Tregtisë dhe Industrisë Tiranë për vlerësimin dhe bëri shaka duke thënë se uron që çmimin mos t’ia kenë dhënë ngaqë është bërë ministër.


Motivacioni i ccmimit për Blendi Gonxhen nga Dhoma e Tregtisë dhe Industrisë Tiranë:

“SHËRBIMI MË I MIRË PUBLIK”

Përgjatë vitit 2023, Drejtoria e Përgjithshme e Shërbimeve të Transportit Rrugor (DPSHTRR) ka realizuar me sukses një sërë nismash me impakt domethënës në lehtësimin dhe përmirësimin e shërbimeve për qytetarët, investime në infrastrukturat e shërbimit sipas standardeve ndërkombëtare, digjitalizimin e shërbimeve dhe organizimin e aktiviteteve ndërgjegjësuese automotive.

Disa shifra domethënëse që dëshmojnë transformimin epokal të shërbimeve në harkun kohor 5-vjeçar referuar impaktit direkt te qytetari:

·  1,481 qytetarë të shërbyer/orë ose +59% krahasuar me vitin 2018!

·   -30% ulja e kohës mesatare për marrjen e një shërbimi krahasuar me 2018!

·  -16% ulja e kostos mesatare të një shërbimi krahasuar me vitin 2018!

·  1,000,042 shërbime/aplikime janë ofruar online nga sistemet e DPSHTRR përmes e-Albania, rritur me 2,150% më shumë se viti 2018 ose 22,5 herë më shumë!

·  51 shërbime në e-Albania nga 4 shërbime më 2018 (+ 1,175%)!

·  441,414 ditë pune kursyer 1,186,023 qytetarëve!

·  33,305,150 km rrugë të eliminuara (min 50 km vajtje-ardhje/shërbim)!

·  2,331,361 litra karburant të kursyera (min 7 lt/100 km rrugë/shërbim), dhe më pak ndotje ambientale e ngarkesë trafiku!

·  Eliminuar qytetarëve: 768,127 ardhje në sportel!

Vetëm në vitin 2023, qytetarëve iu janë kursyer në 35 milionë euro nga lehtësimi i kostove të shërbimeve, ulja ose eliminimi i tarifave, zgjatja e afateve të vlefshmërisë dhe heqja e shumë praktikave, si dhe nga kursimet e tjera direkte (rruga vajtje-ardhje, karburanti, kohë/ditë pune kursyer, etj.)!

Të gjitha këto lehtësime të ndërmarra në interesin publik të qytetarëve dhe subjekteve, janë realizuar falë:

·  riinxhinierimit të shërbimeve nëpërmjet investimit strukturor e teknologjik, si edhe përmes krijimin e sistemeve të reja

· modernizimit të infrastrukturës fizike dhe revolucionit digjital

·   thjeshtimit dhe lehtësimit të praktikave

·  zgjatjeve të vlefshmërisë së dokumenteve dhe eliminimit të shumë burokracive.


Në përputhje me standarded JTI

Video

SHIKO KANALIN NE YOUTUBE
×