Embargoja e Indisë rrit çmimin e grurit në tregjet globale

Vendimi i Indisë, prodhuesi i dytë më i madh i grurit në botë, për të ndaluar pa afat eksportin e këtij produkti u reflektua menjëherë në tregjet ndërkombëtare.

Çmimi i grurit u rrit me 6 për qind në SHBA, duke kapur shifrën më të lartë të të gjitha kohërave.

Ndalimi i eksportit vjen pasi një valë e të nxehtit goditi të korrat e grurit të Indisë, duke i çuar çmimet vendase në një nivel rekord.

Kostoja e çdo nënprodukti, nga buka dhe ëmbëlsira te petët dhe makaronat është rritur muajt e fundit dhe ky vendim i Indisë pritet që t’i japë një tjetër valë rritjeje..

Qeveria e Indisë tha se do të respektojë kontratat aktuale me vendet dhe kompanitë "për të përmbushur nevojat e tyre të sigurisë ushqimore".

Zyrtarët qeveritarë thanë gjithashtu se ndalimi nuk ishte i përhershëm dhe mund të rishikohej në një moment të dytë.

Megjithatë, vendimi është kritikuar nga ministrat e bujqësisë nga G7 që u takuan në Gjermani.

"Nëse të gjithë fillojnë të vendosin kufizime eksporti, ose të mbyllin tregjet, kjo do të përkeqësonte krizën", tha ministri gjerman i ushqimit dhe Bujqësisë, Cem Ozdemir.

G7 është një organizatë e shtatë ekonomive më të mëdha në botë të ashtuquajturat "të avancuara", të cilat dominojnë tregtinë globale dhe sistemin financiar ndërkombëtar. Ato janë Kanadaja, Franca, Gjermania, Italia, Japonia, Britania e Madhe dhe Shtetet e Bashkuara.

Megjithëse India është prodhuesi i dytë më i madh në botë i grurit, ajo nuk ka qenë më parë një eksportues i madh pasi shumica e të korrave të saj shitet në tregun vendas.

Por, eksportet e grurit të Ukrainës ranë pas pushtimit rus dhe me thatësirat dhe përmbytjet që kërcënonin të korrat e prodhuesve të tjerë të mëdhenj, tregjet prisnin që një pjesë e mungesës të kompensohej nga India.

Në përputhje me standarded JTI

Rrugëtimi në tri dekada i mjekut, Vasil Llajo, nga mikroskopi tek perandoria “Intermedica”

Lexo

15 May, 11:38Biznes

Rishikohen çmimet, nafta rritet me 5 lekë

Lexo

15 May, 09:15Biznes

India ndalon eksportin e grurit, analistët paralajmërojnë rritje tjetër çmimesh

Lexo

15 May, 08:45Biznes

Lista e Zezë, kush janë 27 bizneset që u ndalohet të marrin punë publike (Emrat)

Lexo

13 May, 16:28Biznes

Qeveria do të japë me koncesion Triportin e Vlorës

Lexo

12 May, 10:23Biznes

Sejko: Qeveria të mbështesë shtresat me të ardhura të ulëta

Lexo

11 May, 12:03Biznes

Bie miti i Benzit, Volkswagen është makina më e preferuar për shqiptarët

Lexo

10 May, 18:50Biznes

Bordi cakton çmime të reja për naftën dhe gazin

Lexo

10 May, 15:41Biznes

"U bëmë turpi i botës", Braçe: AMF të luftojë mashtrimet me Forex

Lexo

10 May, 11:47Biznes

Shpenzimet për produktet e shportës janë rritur me 24% në muajin prill

Lexo

10 May, 08:10Biznes