PROTESTOSKOPI I NËNTORIT / Plaku i PD-së ndjek çdo grumbullim njerëzish, Rama merr haber nga qeveria

 Kliko këtu për të tjera
Voxpress:

Berisha mobilizon strukturat: Shpërthimi rinor të mos shkojë dëm, PD nuk tërhiqet nga protesta, është pjesë e jona

3 November 2026, 21:31Politikë SHKRUAR NGA REDAKSIA VOX

Berisha mobilizon strukturat: Shpërthimi rinor të mos shkojë

Kryetari i Partisë Demokratike, Sali Berisha, zhvilloi sot në selinë e PD-së një takim me grupet e punës së qarkut Tiranë, ku në fokus ishte vijimi i aksionit opozitar, organizimi i protestave dhe përgatitjet për zgjedhjet lokale.

Gjatë takimit, Berisha theksoi se Partia Demokratike nuk do të tërhiqet nga protesta, duke e cilësuar atë si një element thelbësor të betejës politike kundër qeverisjes së Edi Ramës.

Ai nënvizoi se energjia e krijuar nga mobilizimi qytetar dhe veçanërisht nga angazhimi i të rinjve duhet të shndërrohet në një forcë të qëndrueshme politike, që do të çojë përpara përpjekjen për ndryshim.

“Shpërthimi rinor të mos shkojë dëm. Ne nuk heqim dorë nga protesta, pasi protesta është pjesë e jona”, u shpreh Berisha, duke kërkuar vijimin e mobilizimit dhe angazhimit të strukturave të Partisë Demokratike.

Kryetari i PD-së theksoi se objektivi i opozitës mbetet përballja me regjimin e Edi Ramës dhe krijimi i kushteve për ndryshimin politik në vend. Në këtë kuadër, ai vuri theksin te rëndësia e protestave si instrument i presionit qytetar dhe politik, duke e konsideruar mobilizimin opozitar të domosdoshëm për arritjen e këtij qëllimi.

Paralelisht me vijimin e aksionit opozitar, Berisha kërkoi që strukturat e PD-së të nisin përgatitjet për zgjedhjet e ardhshme lokale, duke e cilësuar organizimin në terren si një proces që duhet të ecë krahas betejës politike.

Një tjetër pikë e rëndësishme e diskutimit ishte bashkimi i faktorëve politikë dhe shoqërorë kundër qeverisë. Berisha theksoi nevojën për bashkimin e forcave politike në një front të përbashkët, me synimin për t’i shërbyer interesit të vendit.

“Shpresojmë të ngremë një front të përbashkët në interes të vendit”, deklaroi ai.


Në përputhje me standarded JTI

Video

SHIKO KANALIN NE YOUTUBE
×