PROTESTOSKOPI I NËNTORIT / Plaku i PD-së ndjek çdo grumbullim njerëzish, Rama merr haber nga qeveria

 Kliko këtu për të tjera
Voxpress:

"Je transferuar me urdhër të Ramës"/ Veliaj letër gjykatëses së GJKKO-së: Hetoni urdhrin e Kryeministrit!

3 November 2026, 11:43Politikë SHKRUAR NGA REDAKSIA VOX
"Je transferuar me urdhër të Ramës"/ Veliaj letër
Edi Rama/ Toni Gogu/ Erion Veliaj

Kryetari i bashkisë së Tiranës, Erion Veliaj nuk është paraqitur në seancën e sotme në Gjykatën e Posaçme kundër Korrupsionit dhe Krimit të Organizuar (GJKKO), por përfaqësohet nga avokati i tij, Plarent Ndreca.

Veliaj i ka drejtuar një letër gjykatëses, përmes së cilës ngre pretendime lidhur me transferimin e tij nga paraburgimi i Durrësit dhe kërkon hetim për rrethanat e këtij veprimi.

Në letrën drejtuar gjykatës, Veliaj shprehet se përgjigjen lidhur me këtë çështje e ka marrë të premten nga ministri i Drejtësisë, Toni Gogu, i cili, sipas tij, i ka thënë se transferimi është kryer me urdhër të Kryeministrit Edi Rama.

Veliaj pretendon se urdhri i Kryeministrit është i paligjshëm dhe shprehet se, nëse do ta dinte një gjë të tillë, do t'i shtoheshin akuza të tjera për prishjen e rendit kushtetues.

Në përfundim të letrës, ai i kërkon gjykatës të kryejë një hetim të plotë dhe të thelluar për këtë çështje.

Letra e Veliajt:

Siç jeni vënë në dijeni nga media, Avokati i Popullit dhe Komiteti Shqiptar i Helsinkit, të mërkurën e javës së kaluar jam rrëmbyer nga një togë shoqërimi pa m'u treguar urdhri sekret pse po largohem, ku po shkoj dhe si justifikohet largimi me 100 km të tjera shtesë nga gjykata ku po gjykohem, nga familja ime me 2 të mitur, e nënën pensioniste, dhe nga Bashkia e Tiranës që drejtoj.

Unë përgjigjen e mora të premten afër mesnatës kur Ministri i Drejtësisë Z. Gogu ma bëri të qartë se jam transferuar me urdhër personal të Kryeministrit Rama; që të bëj burg tamam dhe t'ia dijë për nder se prokurorët po bënin gati të më shtojnë akuza të tjera, ku më e rënda do qe ajo e prishjes së rendit kushtetues për përkrahjen, organizimin dhe financimin e protestave të Flamingove dhe studentëve.

Kjo përveçse është po aq e pavërtetë sa dhe Nesti Angoni e Nesta Pëllumbi, është dhe e paligjshme si urdhëri i Kryeministrit për transferimin ashtu dhe pretendimi se prokurorët negociojnë me të persekutimin tim të vazhdueshëm dhe shtimin e akuzave.

Kjo kërkon një hetim të plotë, të thellë e të paanshëm. Po e lë në gjykimin tuaj marrjen e masave me besim të plotë në integritetin tuaj.

Ju falenderoj,

Erion Veliaj

Kujtojmë se, Veliaj u transferua në fund të tetorit nga paraburgimi i Durrësit në atë të Fierit me vendim të Drejtorisë së Përgjithshme të Burgjeve. Dërgimi në Fier solli reagime të shumta, ndërsa kryebashkiaku i Tiranës drejtoi gishtin një ditë më parë drejt kryeministrit Edi Rama.

Në reagimin e tij, Veliaj zbardhi takimin me ministrin Gogu, që sipas të cilit, i kishte përcjellë një mesazh nga kryeministri Edi Rama.

Sipas Veliajt, Rama e ka kërcënuar që të pranojë përfshirjen në protestat e studentëve dhe të flamengove, të hiqte dorë nga drejtimi i Bashkisë së Tiranës dhe të mos këshillohej më me avokatin Plarent Ndreca. 


Në përputhje me standarded JTI

Video

SHIKO KANALIN NE YOUTUBE
×