KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Vrasja e Xhuliano Prelës / Lirohet pas tre vitesh burg Redion Hysa, dënohet Nikoll Sherniku

13 July 2023, 16:55Aktualitet SHKRUAR NGA REDAKSIA VOX
Vrasja e Xhuliano Prelës / Lirohet pas tre vitesh burg Redion Hysa,
Skena e krimit / Redion Hysa

Prej gati më shumë se tre vitesh pas hekurave, i riu Redion Hysa i akuzuar për vrasjen e ish-efektivit të policisë Xhuliano Prela, është lënë i lirë.

Redion Hysa u arrestua në vitin 2020 së bashku me kushëririn e tij Sokol Hysa, pasi ishin të dyshuarit kryesorë se kishin hapur zjarr ndaj makinës ku ndodhej Prela, duke e lënë atë të vdekur.

Lidhur me këtë ngjarje është arrestuar edhe Nikoll Sherniku, një emër i njohur i botës së krimit, i cilësuar si “ushtari” i Ervis Martinajt. Sherniku megjithatë, nuk u akuzua si autor, por mbi të u ngrit akuza e “moskallëzimit të krimit”.

Gjykata ka vendosur dënimin e Shernikut me 3 vite e 6 muaj burg.

Ka qenë gazetarja Klodiana Lala, ajo e cila ka risjellë disa herë në vëmendjen e publikut këtë ngjarje, duke insistuar në pafajësinë e Redion Hysës. Në emisionin e saj të fundit, u zbuluan disa fakte të reja që raportohet se zbuluan pafajësinë e Hysës.

Më herët, prokuroria kishte kërkuar 20 vite burg për Hysën, megjithëse ky i fundit vazhdimisht i kishte mohuar akuzat.

Vrasja ndodhi në dhjetor të vitit 2020 në autostradën Lezhë-Milot, dhe në atë kohë u tha se shkak për krimin u bë sherri për dritat e gjata të makinës të policit të FNSH-së që po kthehej nga Shkodra.


Në përputhje me standarded JTI

Video

SHIKO KANALIN NE YOUTUBE
×